Sep 13

தீவிரவாதிகள் ஊடுருவலை தடுக்க, கன்னியாகுமரியில் சஜாக் ஆபரேஷன்.!

கன்னியாகுமரி மாவட்ட கடற்பகுதியில் தீவிராவாத ஊடுருவலைத் தடுக்கவும், கடற்பகுதி பாதுகாப்பை உறுதி செய்யவும், சஜாக் ஆபரேஷன் என்ற பெயரில் பாதுகாப்பு ஒத்திகை நடைபெற்று வருகிறது.

தமிழ்நாடு கடலோர பாதுகாப்பு போலீசாரும், கடலோர கண்காணிப்பு போலீசாரும் இணைந்து சஜாக் ஆபரேஷன் என்ற பெயரில், கன்னியாகுமரியில் கடற்பகுதி பாதுகாப்பு ஒத்திகையில் ஈடுபட்டு வருகின்றனர். ஆரோக்கியபுரம் முதல் நீரோடிவரை என 68கி.மீட்டர் தூரம் கடலோர பாதுகாப்பு ஒத்திகை நிகழ்ச்சி நடைபெறுகிறது.

தமிழ்நாடு கடலோர பாதுகாப்பு போலீசார் ரோந்து படகுகளில் அதிநவீன தொலைநோக்கிகள் மூலம், தீவிரவாதிகள் ஊடுருவலை தடுக்கும் பொருட்டு இந்த சஜக் ஆபரேஷனில் ஈடுபட்டு வருகின்றனர்.

மேலும், கடலில் மீன் பிடிக்க மீனவர்களிடமும், யாராவது சந்தேகப்படும்படி படகில் செல்வதை பார்த்தாலோ, அல்லது கடலில் வித்தியாசமான பொருட்கள் காணப்பட்டாலோ உடனடியாக தகவல் தெரிவிக்க வேண்டும் என்று கடலோர பாதுகாப்பு போலீசார் கூறியுள்ளனர்.