Apr 07

தேசிய விருதுகள் அறிவிப்பு: சிறந்த தமிழ்ப் படம் 'ஜோக்கர்'; வைரமுத்து, தனஞ்ஜெயனுக்கு விருது

இயக்குநர் ராஜுமுருகனின் 'ஜோக்கர்' படத்துக்கு சிறந்த தமிழ்த் திரைப்படத்துக்கான தேசிய விருதை வென்றுள்ளது.

64-வது தேசிய திரைப்பட விருதுகள் டெல்லியில் இன்று (வெள்ளிக்கிழமை) அறிவிக்கப்பட்டது.

இதில் ராஜூமுருகன் இயக்கத்தில் வெளியான 'ஜோக்கர்' சிறந்த தமிழ் படத்திற்கான விருதை வென்றுள்ளது. இப்படத்தை, ட்ரீம் வாரியர் பிக்சர்ஸ் நிறுவனம் சார்பில் பிரபு தயாரித்துள்ளார். கிராம மக்களின் சுகாதார பிரச்சினையை மையமாக வைத்து, அரசியல்வாதிகளை கடுமையாக சாடிய பாடம் 'ஜோக்கர்'. இப்படம் விமர்சன ரீதியாகவும், வசூல் ரீதியாகவும் பெரும் வரவேற்பு பெற்றது குறிப்பிடத்தக்கது. மேலும், 'ஜாஸ்மீன்' பாடலைப் பாடிய சுந்தராஐயருக்கு சிறந்த பின்னணிப் பாடகர் விருதைப் பெறவுள்ளார்.

சிறந்த திரைப்பட எழுத்தாளருக்கான விருது தனஞ்சயனுக்கு அறிவிக்கப்பட்டுள்ளது.

சிறந்த பாடலாசிரியர் - வைரமுத்து (தர்மதுரை)

சீனுராமசாமி இயக்கத்தில் விஜய் சேதுபதி நடிப்பில் வெளியான படம் 'தர்மதுரை'. இப்படத்தில் இடம்பெற்ற 'எந்தப்பக்கம்' பாடலுக்காக, சிறந்த பாடலாசிரியர் விருது வென்றுள்ளார். இப்படத்துக்கு யுவன் சங்கர் ராஜா இசையமைத்திருந்தார்.

'24' படத்துக்கு 2 விருதுகள்

விக்ரம்குமார் இயக்கத்தில் சூர்யா நடிப்பில் வெளியான '24' படத்துக்கு சிறந்த தயாரிப்பு வடிவமைப்பு மற்றும் சிறந்த ஒளிப்பதிவாளராக திருவுக்கு விருது கிடைத்துள்ளது

தேசிய விருதுகள் பட்டியல்:

சிறந்த படம்: மராட்டிய மொழிப் படம் - காசவ்

சிறந்த இயக்குநர்: ராஜேஷ் மபுஸ்கா - மராட்டிய படம்- வென்டிலேட்டர்

சிறந்த தமிழ்ப் படம்: ஜோக்கர்

சிறந்த நடிகை: சி.எம்.சுரபி - மலையாளப் படம் மினாமினுகு படத்தில் நடித்தமைக்காக

சிறந்த நடிகர்: அக்‌ஷய் குமார் ரூஸ்டம்

சிறந்த உறுதுணை நடிகை: ஜாய்ரா வாசிம் - தங்கல்

சிறந்த பாப்புலர் திரைப்படம் - சதாமனம் பவதி (தெலுங்கு)

சிறந்த குழந்தைகள் திரைப்படம் - தனக்

சிறந்த அனிமேஷன் திரைப்படம்- மஹோயோத ரானா (இந்தி)

சிறந்த சண்டை வடிவமைப்பு: பீட்டர் ஹெய்ன் (புலிமுருகன்)

சிறந்த குழந்தை நட்சத்திரம்: அதீஷ் பிரவீன் (படம்: குஞ்சு தெய்வம்), சாஜ் (படம்: நூர் இஸ்லாம்), மனோகரா (படம்: ரயில்வே சில்ட்ரன்)

சிறந்த பின்னணி பாடகி: இமான் சக்ரபர்த்தி

சிறந்த பின்னணி பாடகர்: சுந்தரா ஐயர் (ஜோக்கர்)

சிறந்த திரைக்கதை (ஒரிஜினல்): ஷ்யாம் புஷ்கரன்

சிறந்த திரைக்கதை (தழுவல்): சஞ்சய் கிருஷ்ணஜி படேல்

சிறந்த பிராந்திய மொழி திரைப்படங்கள்:

* மதிபூர் (துளு)

* ஜோக்கர் (தமிழ்)

* ராங்சைட் ராஜூ (குஜராத்தி)

* பெல்லி சூப்புலு (தெலுங்கு)

* தசகரியா (மராத்தி)

* பிஸார்ஜன் (வங்காளம்)

* மகேஷின்ட பிரதிகாரம் (மலையாளம்)

* கே சரா சரா (கொங்கனி)

* ரிசர்வேஷன் (கன்னடம்)

* நீர்ஜா (இந்தி)