Aug 22

5000 ஆண்டுகளில் என்ன தேதி, என்ன நாள்: சரியாக கூறி அசத்தும் மாணவன்!!

ராமநாதபுரம் மாவட்டம் கீழக்கரையைச் சேர்ந்த முகமது ஃபஹ்மீன் , பல நாடுகளின் தலைநகரங்கள் மற்று அந்த நாட்டின் கொடி ,உணவு , நாணயம் போன்ற பல்வேறு தகவல்களை நொடிப்பொழுதில் கூறுகிறார். இந்த மாணவனின் திறமையை கண்டு அனைவரும் வியந்து வருகின்றனர்.

ராமநாதபுரம் மாவட்டம் கீழக்கரையைச் சேர்ந்தவர் முகமது ஃபஹ்மீன். துபாயில் உள்ள பள்ளி ஒன்றில் இவர் 7-ம் வகுப்பு படித்து வருகிறார். இவருக்கு சிறு வயதில் இருந்தே இருக்கும் அபார ஞாபக சக்தியால் பல சாதனைகளை செய்து வந்துள்ளார்.5 ஆயிரம் ஆண்டுகளுக்குள் உள்ள எந்த தேதியை சொன்னாலும் அதற்கு உரிய நாளை நொடிப் பொழுதில் கூறிவிடுகிறார்.

உலக நாடுகளில் தற்போது உள்ள நேரத்தின் விவரம், நாட்டின் தலைநகர், கொடி, மொழி, அங்கு புழக்கத்தில் உள்ள நாணயம் ஆகியவற்றின் பெயர் ஆகியவற்றையும், உலகில் பல்வேறு நிறுவனங்களால் அறிமுகப்படுத்தப்பட்டுள்ள செல்போன்களின் மாடல், அது வெளியான தேதி, அதில் பயன்படுத்தப்பட்டுள்ள மென்பொருள் ஆகியன பற்றியும் நொடிப் பொழுதில் செல்லி அசத்துகிறார்.

இந்தச் சிறுவனின் திறமையைப் பாராட்டி இந்தியச் சாதனையாளர் (Indian Achievers Book of Record) என்ற புத்தகத்தில் அவரது பெயர் இடம் பெற்றுள்ளது.