Aug 07

ஒரே நாளில் அள்ளிக்கொடுக்கும் ‘பீம்’ அப்ளிகேஷன்

மத்திய அரசின் டிஜிட்டல் பணப்பரிவர்த்தனைக்கான மொபைல் அப்ளிகேஷன் பீம் மூலம் சுதந்திர தினத்தை முன்னிட்டு சிறப்பு சலுகையை அளிக்க இருக்கிறது.

மத்திய அரசு நிறுவனமான இந்திய தேசிய பண வழங்கீடு கூட்டமைப்பு (National Payments Corporation of India - NPCI) மூலம் அறிமுகம் செய்யப்பட்ட டிஜிட்டல் பணப்பரிவர்த்தனைக்கான மொபைல் அப்ளிகேஷன் பீம் (BHIM).

இந்த மொபைல் அப்ளிகேஷனை பயன்படுத்தி யூபிஐ வாயிலாக பணபரிவர்த்தனை செய்யலாம். இந்த அப்ளிகேஷனை பயன்படுத்துவோருக்கு சுதந்திர தினத்தை முன்னிட்டு சிறப்புச் சலுகை அளிக்கப்பட உள்ளது.

ஆகஸ்ட் 15ஆம் தேதி இந்த சலுகை அமலுக்கு வரும் என்றும் கேஷ்பேக் (Cashback) முறையில் 10 ரூபாய் முதல் 25 ரூபாய் வரை சலுகை கிடைக்கும் என்றும் என்.பி.சி.ஐ. அதிகாரி ஒருவர் கூறியுள்ளார். இருப்பினும் இந்த சலுகை பற்றி உறுதிசெய்யப்பட்ட அறிவிப்பு வெளியிடப்படவில்லை.