Aug 03

தங்களுக்குள்ளே பேசிக்கொண்ட ரோபோக்கள் : பயந்து போன ஃபேஸ்புக் ஆராய்ச்சியாளர்கள்

அன்றாட வாழ்வில் மனிதன் செய்யும் வேலைகள் எல்லாம் மெஷின்கள் செய்யத்தொடங்கி விட்டன.

ஆனால் இந்த மெஷின்கள் மனிதன் தங்களுக்கு இட்ட கட்டளையை மட்டும் செய்துவரும். ஆனால் தற்போது எந்திரன் படத்தில் வரும் சிட்டி ரோபோ போன்று தானாக சிந்திக்கும் வகையில் ரோபோக்களை உருவாக்கும் முயற்சியில் Facebook AI Research (FAIR) ஆராய்ச்சி மையம் செயல்பட்டு வருகின்றது.

இந்த ஃபேஸ்புக் நிறுவனத்தின் Artificial Intelligence ஆராய்ச்சி கூடத்தில் இருக்கும் இரண்டு ரோபோக்கள் தங்களுக்குள் பேசிக் கொண்டது ஆச்சர்யத்தை ஏற்படுத்தியுள்ளது.

ஃபேஸ்புக் நிறுவனத்தின் Facebook AI Research (FAIR) ஆராய்ச்சிக் கூடத்தில் இருக்கும் இரண்டு செயற்கை நுண்ணறிவு AI கொண்ட ரோபோக்களான பாப் மற்றும் அலைஸ் தங்களுக்குள் பேசிக் கொள்வதாக தகவல் வெளியாகியுள்ளது.அவை பேசும் மொழி ஆங்கிலம் போல் தெரிந்தாலும், அது அர்த்தம் புரியாத வகையில் உள்ளது. இந்த மொழி AI ரோபோக்களுக்கு மட்டுமே புரியும் என்கின்றனர் ஆய்வாளர்கள்.

இதனால் பயந்து போன ஆராய்ச்சியாளர்கள், மனிதனுக்கு எதிராக சிந்திக்க தொடங்கிவிடக்கூடாது என்பதால் ஆராய்ச்சி தற்காலிகமாக நிறுத்தி, அதற்கான மாற்று யோசிக்க தொடங்கியுள்ளனர்.