Jul 25

நெகிழ வைக்கும் நிஜம்! சிவ லிங்கம் செய்து பிழைக்கும் இஸ்லாமியப் பெண்!

உத்தரப் பிரதேச மாநிலத்தைச் சேர்ந்த இஸ்லாமிய மதத்தைச் சேரந்த பெண் ஒருவர் கடந்த 17 ஆண்டுகளாக இந்துக்கள் வழிபடும் சிவ லிங்கத்தைச் செய்வதை தொழிலாக மேற்கொண்டு வருகிறார்.

உத்தரப் பிரதேச மாநிலம் வாரணாசியைச் சேர்ந்தவர் ஆலம் ஆரா. இவர் கடந்த 17 ஆண்டுகளாக சிவ லிங்கங்களைச் செய்து விற்பனை செய்வதன் மூலம் தனது வாழ்க்கையை நடத்திக்கொண்டிருக்கிறார்.

இந்து – இஸ்லாம் மதத்தினர் இடையே விரோதப்போக்குகள் நிலவும் சூழலில் தனது தொழில் பற்றி மிகுந்த மதிப்புடன் பேசுகிறால் ஆரா. “சிவ லிங்கம் தயாரிக்கும் கலை கடவுள் அளித்த வரம். இதை நாங்கள் எங்கள் என்பினால் உருவாக்குகிறோம்” என்று அவர் மகிழ்ச்சியுடன் கூறுகிறார்.

மேலும், இந்துக்கள், இஸ்லாமியர்கள் என்ற பாகுபாடு தேவையில்லை. நாம் அனைவரும் இந்தியர் என்றும் பெருமிதத்துடன் தெரிவிக்கிறார் ஆரா.