Jun 26

எந்த மாடிஃபிகேஷனும் செய்யாமல் மினி கேரவனாக மாறிய மாருதி எர்டிகா கார்..!

மாருதி எர்டிகா எம்.பி.வி காரை ஒரு சிறிய கேரவன் போல மாற்றிய உரிமையாளரின் முயற்சி ஆட்டோத்துறையில் பலரது கவனத்தையும் ஈர்த்துள்ளது. இந்த வசதிக்காக அவர் காருக்குள் எந்தவித மாறுதலையும் செய்யவில்லை என்பது பலரையும் ஆச்சர்யப்படவைத்துள்ளது.

இந்திய வாகனச் சந்தையில் விற்பனையாகி வரும் எம்.பி.வி மாடல்களில் மாருதி சுஸுகியின் எர்டிகா காருக்கு பெரிய வரவேற்பு உள்ளது. இதனுடைய வடிவமைப்பு, தொழில்நுட்ப வசதி மற்றும் நம்பிக்கை நிறைந்த செயல்திறன் போன்றவை பக்கபலமாக நிற்கிறது. 

மேலும், ரூ. 7.44 லட்சம் என்கிற சவாலான ஆரம்ப விலையில் விற்பனைக்கு கிடைப்பது எர்டிகா காரின் வரவேற்பை மேலும் அதிகரித்து வருகிறது. நாட்டில் எம்.பி.வி ரக கார்களுக்கு கஸ்டமைஸ் வசதிகள செய்து தரும் நிறுவனங்கள் பல உள்ளன. அவர்களிடம் அதிகளவில் கஸ்டமைஸ் தேவைக்காக வரும் கார்களின் முதன்மையாக உள்ளது எர்டிகா. 

நிலைமை இப்படியிருக்க, எளிய சிந்தனை மூலம் எர்டிகா காரை, முழுமையான ஒரு படுக்கை வசதி பெற்ற கேரவன் போல மாற்றி அசத்தியுள்ளார் உரிமையாளர் ஒருவர். இந்த கஸ்டமைஸ் பணிக்காக காருக்குள் அவர் ஒரு சின்ன மாறுதலையும் செய்யவில்லை என்பது இங்கே கவனிக்கத்தக்கது.

உரிமையாளர் தன்னுடைய எர்டிகா காரில் உள்ள பின் வரிசை இருக்கைகளை சாதரணமாக மடக்கி வைத்துள்ளார். இரண்டு இருக்கைகளை மடக்கிய பிறகு ஏற்பட்ட இடைவெளியில் சூட்கேஸை வைத்துவிட்டார். பிறகு அதன் மேல் மெத்தையை போட்டு, எர்டிகா காரின் பின்பகுதி முழுக்க ஒரு பட்டுக்கை அறையை போல மாற்றிவிட்டார்.

இந்த பகுதியில் இரண்டு ம்பேர் தாரளமாக படுக்கலாம். நீண்ட தூரம் டிரைவிங் செல்லும் போது குட்டி தூக்கம் போடுவதற்கு இந்த கஸ்டமைஸ் தேவைகள் வசதியான தாக இருக்கும். அதிக தொலைவு செல்லும் போது டிரைவிங் தெரிந்த இருவர் மாற்றி மாறி கார் ஓட்டுவதற்கு இது வசதியாகவும் இருக்கும், நிம்மதியாக ஓய்வெடுக்கவும் முடியும். 

எனினும், இதுபோன்று பயணிக்கும் போது சில பிரச்னைகள் ஏற்படத்தான் செய்யும். காருக்குள் குறுகி படுப்பதால் ஏற்படும் முதுகுவலி, உடல் வலி வரத்தான் செய்யும். ஒருவேளை பயணத்தின் போது கார் விபத்தில் சிக்கிக்கொண்டால், பின்னால் வருபவர்களுக்கு படுகாயம் ஏற்பட வாய்ப்புள்ளது. மேலும், எர்டிகா காரை படுக்கை வசதி கொண்ட காராக மாற்றுவதற்கு சில நிமிடங்கள் போதும். மேலும் கூரையின் மேற்புறத்தில் ஏசி இருப்பதால் பின்னால் உறங்குபவர்களுக்கு நன்றாக காற்று வரும். இதனுடைய பூட்ரூம் அளவும் போதுமான இடவசதியுடனே உள்ளது. 

இந்தியாவின் சிறப்பான விற்பனை திறனை பெற்று வரும் எர்டிகா எம்.பி.வி கார் பெட்ரோல், டீசல் எஞ்சின் தேர்வுகளில் தயாரிக்கப்படுகிறது. வேரியண்டுகளுக்கு ஏற்றவாறு 5 ஸ்பீடு மேனுவல் கியர்பாக்ஸ் அல்லது ஆட்டோமேட்டிக் கியர்பாக்ஸ் தேர்வுகளிலும் கிடைக்கிறது.