Jul 21

எக்ஸ்பீரியா ஆக்ஷன் வசதியுடன் முதல் சோனி மொபைல் அறிமுகம்

சோனி நிறுவனத்தின் புதிய ஸ்மார்ட்போன் எக்ஸ்பீரியா ஏ1 அல்ட்ரா வியாழக்கிழமை அறிமுகமாகியுள்ளது.

ஜப்பானைச் சேர்ந்த சோனி நிறுனவம் ஸ்மார்ட்போன் மார்க்கெட்டில் இந்தியாவில் கொடிகட்டிப் பறக்கிறது. ப்ரீமியம் ஸ்மார்ட்போன்களைத் தேடுபவர்கள் சோனி மொபைல்களை அதிகம் விரும்புகிறேன். அந்நிறுவனத்தின் புதிய ஸ்மார்ட்போன் எக்ஸ்பீரியா ஏ1 அல்ட்ரா வியாழக்கிழமை அறிமுகமாகியுள்ளது.

எக்ஸ்பீரியா ஆக்ஷன்ஸ் என்ற பிரத்யேக அப்ளிகேஷன் இருப்பது இதன் சிறப்பு அம்சம். இந்த அப்ளிகேஷன் மொபைலின் செட்டிங்ஸை நமது பயன்பாட்டை கவனித்து அதற்கு ஏற்ப தானாக மாற்றி அமைக்கும். இந்த வசதியுடன் வரும் முதல் சோனி ஸ்மார்ட்போன் இதுவாகும்.

6 இன்ச் ஃபுல் ஹெச்.டி. திரை, 23MP பின் பக்க கேமரா, 16MP செல்ஃபி கேமரா ஆகியவை இதன் சிறப்பு அம்சங்கள். 4GB RAM, 64GB ROM மற்றும் 256GB மெமரி கார்ட் வசதி இருக்கிறது. மீடியாடெக் ஹீலியோ P20 ஸ்னாப்ட்ராகன் பிராசெஸர், ஆண்ட்ராய்ட் 7.0, 4G VoLTE போன்ற அம்சங்களும் உள்ளன. ஆனால், பேட்டரி 2700mAh திறன் மட்டுமே கொண்டது.

கருப்பு, வெள்ளை, கோல்ட் என மூன்று நிறங்களில் கிடைக்கும் இதனை ரூ.29,999 விலையில் கடைகளில் வாங்கலாம்.