Jun 11

ஃபாஸ்ட் அண்ட் ஃப்யூரியஸ் படத்தில் அதிரடியாக களமிறங்கும் WWE புகழ் ஜான் ஸீனா

WWE விளையாட்டில் அனைவரையும் கவர்ந்த வீரர் ஜான் சீனா. இவர் அந்த விளையாட்டிலிருந்து ஓய்வு பெற்ற நிலையில் தற்போது (Fast & Furious 9) ஃபாஸ்ட் அண்ட் ஃப்யூரியஸ் 9 வது பாகத்தில் நடிக்க ஒப்பந்தமாகியுள்ளார். 

அமெரிக்காவில் மிகவும் பிரபலமான விளையாட்டு போட்டிகளில் WWE போட்டியும் ஒன்று . WWE போட்டி என்றாலே இந்தியர்களுக்கு நினைவுக்கு வருவது ஜான் சீனா தான். அந்தளவுக்கு மிகவும் பிரபலமும், பிடித்த வீரராக திகழ்ந்தவர். 

ஜான் ஸீனா WWE போட்டிகளில் மட்டுமல்லாமல் பல்வேறு தொலைக்காட்சி நிகழ்ச்சிகளிலும், பல திரைப்படங்களிலும் கெளரவ மற்றும் முக்கிய கதாபாத்திரத்தில் நடித்துள்ளார். 

ஃபாஸ்ட் அண்ட் ஃப்யூரியஸ் 9 

WWE போட்டியில் மற்றொரு புகழ்பெற்ற தி ராக் எனப்படும் டுவைன் ஜான்சன் ஃபாஸ்ட் அண்ட் ஃப்யூரியஸ் என்ற பெயரில் தொடர்ச்சியாக உருவாகி வரும் படங்களில் நடித்து வருகின்றார்.

தற்போது ஃபாஸ்ட் அண்ட் ஃப்யூரியஸ் 9வது பாகத்தில் WWE புகழ் டுவைன் ஜான்சனுடன் மற்றொரு பிரபலம் ஜான் சீனாவும் இணைந்துள்ளதாக அதிகாரப்பூர்வமாக அறிவிக்கப்பட்டுள்ளது. இந்த படத்தில் ரசிகர்களின் எதிர்பார்ப்பை நிறைவேற்றும் வகையில் நான் செயல்படுவேன் என ஜான் சீனா தெரிவித்துள்ளார்.