May 21

உலகிலேயே முதன் முறையாக Flip Camera.. வருகிறது அசுஸ் சென்போன் 6 ஸ்மார்ட்போன்!

அசுஸ் சென்போன் 6 ஸ்மார்ட்போன் ஸ்பெயின் நாட்டில் அறிமுகம் செய்யப்பட்டுள்ள நிலையில், இந்தியாவில் அதன் அறிமுகம் தொடர்பாக பிளிப்கார்ட்டில் தகவல் வந்துள்ளது. 

ஸ்மாரட்போன் தயாரிப்பில் முன்னனி தைவான் நிறுவனமான அசுஸ், கடந்த வாரம் சென்போன் 6 ஸ்மார்ட்போனை ஸ்பெயின் நாட்டில் அறிமுகம் செய்தது. இந்த நிலையில், தற்போது இந்தியாவில் விரைவில் அறிமுகமாகும் என்று பிளிப்கார்ட் நிறுவனத்தில் தகவல் தெரிவிக்கப்பட்டுள்ளது. உலகிலேயே முதன் முறையாக 48 மெகா பிக்சல் உடைய ஃப்ளிப் கேமரா இதில் கொண்டு வரப்பட்டுள்ளது. இதே போல், உலகிலேயே முதன்முறையாக ஆட்டோ பனரோமா கொண்ட முதல் ஸ்மார்ட்போன் இதுவேயாகும். 

மேலும், 6.4 இன்ச் நானோ எட்ஜ் டிஸ்ப்ளே, கொரிலா கிளாஸ் 6, குவால்காம் ஸ்நாப்டிராகன் 855 பிராசசர், 5000 mAh பேட்டரி, அதிவேக சார்ஜ் என பல்வேறு வசதிகள் உள்ளது. எனவே, இரண்டு நாள் வரையில் இதில் சார்ஜ் நிலைத்து நிற்கும். கேமரா தொழில்நுட்பத்தைப் பொறுத்தவரையில், எடுக்கமுடியாத கோணங்களில் கூட இது துல்லியமாக படம் பிடிக்கும். IMX586 பிளாக்ஷிப் சோனி சென்சார், அல்ட்ரா காம்பக்ட் பிக்சல், லேசர் ஆட்டோ போக்கஸ் உள்ளது. ஆட்டோ பனரோமா எனும் போது 180 டிகிரி கிடைமட்டமாகவும், செங்குத்தாகவும் எடுக்கும் திறன் உள்ளது. மற்றபடி, 13 மெகாபிக்சல் கேமரா, டூயல் பிளாஷ், 48 மெகாபிக்சல் கேமரா உள்ளது. சென்போன் 6 ஸ்மார்ட்போனின் விலை குறித்த விபரங்கள், அறிமுக தேதி தொடர்பான தகவல்கள் விரைவில் வெளிவரும் என்று எதிர்பார்க்கப்படுகிறது.