May 15

அஜித் ஒரு மான்ஸ்ட்ரஸ்; வலியைப் பொறுத்துக் கொண்டு என் படத்தில் நடித்தார்: பிரபல இயக்குனர்!

தமிழ் சினிமாவில் முன்னணியில் இருக்கும் நடிகர் தல அஜித். இவரது நடிப்பில் அடுத்ததாக ‘நேர் கொண்ட பார்வை’ திரைக்கு வரவிருக்கிறது. இந்த வேளையில் நடிகர் அஜித்தை வைத்து ‘வாலி’ என்ற பிளாக் பஸ்டர் ஹிட் கொடுத்தவர் எஸ்.ஜே.சூர்யா. 

இவர் இயக்கிய ‘வாலி’ படம் தான், அஜித்தின் திரைப் பயணத்தில் பெரிய திருப்புமுனையாக அமைந்த படமாகும். அப்படியிருக்க, எஸ்.ஜே.சூர்யா தற்போது நடிகராகவும் நடித்து வருகிறார். இவர் நடிப்பில் உருவாகியுள்ள ‘மான்ஸ்டர்’ படம் இந்த வாரம் ரிலீசாகிறது. 

இந்த படத்தின் ப்ரோமோஷன் விழாவில் அஜித் குறித்து இவர் பேசினார். அப்போது அவர் பேசுகையில் ‘‘அஜித் சார் ‘வாலி’ படம் நடிக்கும் போது தான் முதுகில் ஆப்ரேஷன் நடந்தது. 

அப்போது அதைப் பொறுத்துக்கொண்டு அவர் நடித்தது எல்லாம் என் கண்முன் நிற்கிறது. அவருக்குள் அவ்வளவு வேதனைகள் இருக்கிறது, நடிகர் தல அஜித் ஒரு மான்ஸ்ட்ரஸ்’’ என புகழ்ந்துள்ளார்.’மான்ஸ்டர்’ படத்தை நெல்சன் வெங்கடேசன் இயக்கியுள்ளார். இதில் எஸ்.ஜே.சூர்யாவிற்கு ஜோடியாக பிரியா பவானி சங்கர் நடித்துள்ளார். இப்படம் வரும் 17ஆம் தேதி திரைக்கு வரும் என்று தெரிவிக்கப்பட்டுள்ளது. 

இப்படத்தில் எலி ஒன்று முக்கிய கதாபாத்திரத்தில் நடித்துள்ளது. அதுதொடர்பான காட்சிகளை கிராபிக்ஸில் உருவாக்கியுள்ளனர். இதற்கு ஜஸ்டின் பிரபாகரன் இசையமைத்துள்ளார்.