May 06

டீசல் கார் உற்பத்திக்கு குட்பை சொல்லும் முடிவில் டாடா மோட்டார்ஸ்

மாசு உமிழ்வை கட்டுப்படுத்தும் பிஎஸ் 6 எஞ்சின் விதிகள் அமலாக இருப்பதால், மாருதி சுஸுகியை தொடர்ந்து டாடா மோட்டார்ஸ் நிறுவனமும் டீசல் கார் உற்பத்தியை நிறுத்திட முடிவு செய்துள்ளதாக சொல்லப்படுகிறது. 

ஏப்ரல் 2020 முதல், வாகனங்களுக்கு பொருத்தப்படும் எஞ்சின்கள் பிஎஸ்- 6 மாசு உமிழ்வு விதிகளில் தயாரிக்கப்படவுள்ளன. இதற்கு ஏற்றவாறு டீசல் எஞ்சின்கள் மேம்படுத்துவதற்கு அதிக முதலீடுகள் தேவைப்படுகின்றன. 

இதை கருத்தில் கொண்டு மாருதி சுஸுகி நிறுவனம் இந்தியாவில் டீசல் கார் உற்பத்தியை கைவிடுவதாக தெரிவித்துள்ளது. இதை பின்பற்றி டாடா மோட்டார்ஸ் நிறுவனமும் டீசல் கார் உற்பத்தியை நிறுத்திட முடிவு செய்துள்ளதாக சொல்லப்படுகிறது. 

டாடா மோட்டார்ஸ் நிறுவனத்திற்கு சொந்தமான டிகோர், டியாகோ, செஸ்ட், போல்டு போன்ற ஆகிய கார்கள் டீசல் எஞ்சின் தேர்வுகளில் விற்பனை செய்யப்படுகிறது. மாசு உமிழ்வு கட்டுப்பாடு விதிகளை தவிர்க்க முடியாத டாடா, தற்போது இந்த முடிவை எடுத்துள்ளதாக தெரிகிறது.

எனினும், நெக்ஸான், ஹாரியார், ஹெக்ஸா போன்ற கார்களில் உள்ள டீசல் மாடல்கள் தொடர்ந்து விற்பனையில் இருக்கும் என சொல்லப்படுகிறது. இந்த மாடல்களுக்கான டீசல் எஞ்சின் பிஎஸ் 6 மாசு உமிழ்வு விதிகளுக்கு ஏற்றவாறு மேம்படுத்தப்படலாம் என தெரிகிறது.