Apr 13

சித்திரை வருடப் பிறப்பு மீனம் ராசிக்கு எப்படி இருக்கும்?

தமிழ் புத்தாண்டு விகாரி வருடத்தில் மீனம் ராசிக்காரர்கள் அமைதியாக இருக்க வேண்டும் என்று ஜோதிடர் திண்டுக்கல் சின்னராஜ் கணித்து கூறியுள்ளார். 

மங்களரகமான விகாரி வருடம், வசந்த ருதுவுடன், உத்தராயண புண்ணிய காலம் நிறைந்த ஞாயிற்றுக்கிழமை பிற்பகல் 1 மணி 7 நிமிடத்துக்கு, 14.4.2019 அன்று தமிழ் புத்தாண்டு பிறக்கிறது. அன்றைய தினம் சுக்ல பட்சத்தில், ஆயில்ய நட்சத்திரம் 2ம் பாதம், கடக ராசியில், கடக லக்னத்தில், நவாம்சத்தில் தனுசு லக்னம், மகர ராசியில் விகாரி புத்தாண்டு பிறக்கிறது. 

இந்த விகாரி புத்தாண்டு ஒவ்வொரு ராசிக்காரர்களுக்கு என்ன பலன்களை கொடுத்துள்ளது என்பதை ஜோதிடர் திண்டுக்கல் சின்னராஜ் துல்லியமாக கணித்து கூறியிருக்கிறார். 

மீனம் ராசி

கணவன் மனைவி உறவு சிறப்பாக இருக்கும் பங்கு மார்க்கெட், மருந்து பொருட்கள் எலக்ட்ரானிக் ஜவுளித்தொழில், கட்டிடத் துறையில் இருப்பவர்களுக்கு மிகுந்த கவனம் தேவை, மாணவர்கள் கூடுதலான முயற்சியை போட்டுத்தான் நல்ல மதிப்பெண்களை பெற முடியும். சொந்தத் தொழில் ஆரம்பிப்பதை தவிர்ப்பது நல்லது. 

பூர்வீக சொத்து சம்பந்தப்பட்ட பிரச்சனைகள் ஒரு முடிவுக்கு வரும் தாயாரின் உடல்நலம் பாதிக்கப்படலாம். வேலையில் இருப்பவர்களுக்கு இடமாற்றம் ஏற்பட வாய்ப்பு உண்டு. குடும்பத்தில் நடந்து வரும் சுப நிகழ்ச்சிகளில் தவறாமல் கலந்து கொள்ள வேண்டும். கொடுக்கல், வாங்கல் முதலானவற்றில் மிகுந்த கவனம் தேவை. இந்த ஒரு வருடம் சென்ற பின்பு தொழில்துறையில் நல்ல முன்னேற்றம் கொடுக்கும் காலம் வரும். 

ஓடுமீன் ஓட உறுமீன் வரும் அளவும் வாடி இருக்குமாம் கொக்கு என்ற பழமொழிக்கேற்ப தற்பொழுது அமைதியை கைக்கொள்ள வேண்டிய நேரம். இருப்பினும் பொருளாதாரத்தில் நல்ல முன்னேற்றத்தை ஏற்படுத்தும் வெங்கடாஜலபதி வழிபாடு சிறப்பான முன்னேற்றத்தை தரும்.