Mar 26

தகவல்களை எதிர் தரப்புக்கு வழங்கிய நிதி மோசடி விசாரணைப் பிரிவின் அதிகாரிகள்

கடந்த அரசாங்கத்தின் ஆட்சியில் நடந்த ஊழல், மோசடிகள் தொடர்பான விசாரணை நடத்தி வரும் பொலிஸ் நிதி மோசடி விசாரணைப் பிரிவின் அதிகாரிகளில் சிலர் பல தரப்பினருக்கு தகவல்களை வழங்கியுள்ளதாக பிரதியமைச்சர் நளின் பண்டார தெரிவித்துள்ளார்.

கொழும்பில் இன்று நடைபெற்ற செய்தியாளர் சந்திப்பில் அவர் இதனை கூறியுள்ளார்.

பொலிஸ் நிதி மோசடி விசாரணைப் பிரிவின் சில அதிகாரிகள், ஊழல், மோசடிகள் தொடர்பான வழக்கு விசாரணைகள் நடைபெறும் போது அவை தொடர்பான தகவல்களை எதிர் தரப்புக்கு வழங்கியிருப்பதாக தெரியவந்துள்ளது.

இவ்வாறு தகவல்கள் வழங்கப்பட்டதன் காரணமாகவே ஊழல், மோசடிகளுடன் சம்பந்தப்பட்டவர்கள் வழக்குகளில் இருந்து விடுதலை செய்யப்பட்டுள்ளனர்.

அத்துடன் கடந்த அரசாங்கத்தின் காலத்தில் நடந்த ஊழல், மோசடிகள் குறித்து நிதி மோசடி விசாரணைப் பிரிவினர் தொடர்ந்தும் விசாரணைகளை நடத்தி வருகிறது எனவும் நளின் பண்டார குறிப்பிட்டுள்ளார்.