Mar 20

ஏழை காதலனை கழட்டி விட 37வயது காதலி போட்ட மாஸ்டர் பிளான்...! கடைசியில் போலீசில் சிக்கிய கூத்து..!

தன் காதலன் ஏழை என தெரிந்ததும் அவரை கழட்டி விட வித்தியாசமான முறையில் யோசித்த காதலி கடைசியில் போலிசில் சிக்கி கொண்டார். 

சீனாவை சேர்ந்த 37 வயது மதிக்கதக்க பெண் யூ இவரும் அதே லின் என்பவரும் காதலித்து வந்தனர். சில நாட்கள் இவர்கள் இருவரும் இணைந்து ஒன்றாக வெளியில் சுற்றுவது, அவ்வப்போது சந்திப்பது என தங்களின் காதலை வளர்த்து வந்தனர். 

இந்நிலையில் கடந்த சீன புத்தாண்டு அன்று யூ தனது காதலன் லின் வீட்டிற்கு சென்றுள்ளார். அப்பொழுது தான் லின் அதிக வசதி இல்லாதவர் என்றும், அவர் அதிக பணம் சம்பாதிக்கும் வேலையில் இல்லை என்றும் தெரியவந்தது. அதனால் யூ, லின் உடன் இனியும் காதலை தொடர விரும்பவில்லை. அதை ஜாடை மாடையாக லின்னிடம் தெரிவித்தபோது அவர் யூவை விட்டு பிரிய விரும்பவில்லை. அதனால் அவரை பிரிய லின் புதிய திட்டம் ஒன்றை போட்டார். 

இந்நிலையில் தனது ஹாஸ்டலுக்கு வந்த யூ தனது காதலன் லின்னிற்கு போன் செய்து தன்னை தனது முன்னாள் கணவர் கடத்தி விட்டார். எப்படியாவது என்னை காப்பாற்று, நான் இப்பொழுது ஹைவேயில் இருக்கிறேன் என கதறியுள்ளார். 

மேலும் தன் செல்போனில் இருந்தே தனது முன்னாள் கணவன் போல் லின்னிற்கு மெசேஜ் செய்துள்ளார். அதில் இது குறித்து நீ போலீசிற்கு செல்லகூடாது. போலீசிடம் இதை சொன்னால் யூவையும், உன்னையும் கொன்று விடுவேன் என மிரட்டல் எஸ்எம்எஸ்களையும் அனுப்பியுள்ளார். 

இதன் பின் சில நாட்கள் லின் செய்வது அறியாமலும், யூவை கண்டுபிடிக்க முடியாமலும் திணறி வந்தார். இந்நிலையில் திடீர் என ஒரு நாள் யூ நம்பரில் இருந்து "நான் யூவை கொன்று அவரது உடலை ஏரியில் வீசி விட்டேன்" என எஸ்எம்எஸ் வந்தது. 

இதையடுத்து பதறி போன லின், அதை கொண்டு போலீசில் புகார் அளித்தார். போலீசார் யூவின் செல்போன் டவர் சிக்னல் இருக்கும் இடத்தை வைத்து சோதித்ததில் அது அவர் வசிக்கும் 

ஹாஸ்டலையே காட்டியது. பின்னர் போலீசார் ஹாஸ்டலுக்கு சென்று சோதனை நடத்திய போது அந்த பெண் ஹாஸ்டலில் ஹாயாக டிவி பார்த்துக்கொண்டிருந்தார். அதன் பின் அவரை பிடித்து விசாரணை நடத்தியதில் இது லின்னை கழட்டி விட யூ நடத்திய நாடகம் என்பது தெரியவந்துள்ளது.