Mar 13

மாப்பிள்ளைக்கு தாலி கட்டிய மணப்பெண்..! கலப்பு திருமணத்தில் நடந்த விநோதம்..!

ஆணும், பெண்ணும் எந்த விதத்திலும் ஒருவருக்கொருவர் குறைந்தவரோ அல்லது அதிகாரம் படைத்தவரோ இல்லை. இவரும் சமம் தான். இந்த எண்ணம் பலருக்கு இருந்தாலும் இந்த சமூகத்தில் நடக்கும் சில விஷயங்கள் அப்படியாக இருப்பதில்லை. பல சம்பர்தாய விஷயங்கள் பெண்களை அடிமைப்படுத்தும் விதமாக இருப்பதாக பலர் கருதுகின்றனர். 

இப்படியாக ஒரு விஷயம் தான் தாலி பொதுவாக திருமணத்தில் பெண்களுக்கு தான் தாலி கட்டப்படுகிறது. மெட்டி அணிவிக்கப்படுகிறது. ஒரு ஆண் திருமணமானவன் என்பதை குறிக்கும் விதமாக எந்த அடையாளமும் அவனிடம் இருப்பதில்லை அதனால் இது பெண்கள் மீது நடத்தப்படும் துரோகம் என பார்க்கப்படுகிறது.

இந்நிலையில் கர்நாடகா மாநிலம் பிஜாபூர் மாவட்டம் முக்தி பிகால் தாலுகா பகுதியில் உள்ள ஒரு பெண்ணிற்கும், மாப்பிள்ளைக்கு திருமணம் நடந்தது. நலத்துவாத் என்ற கிராமத்தில் உள்ள ஹல்லூர் என்ற பிரபல அரண்மனையில் நடந்த இந்த திருமணம் ஆண் பெண் வேறுபாட்டை அறுத்தெறியும் விதமாக நடத்தப்பட்டது.இந்த திருமண தம்பதிகள் இருவரும் வேறு வேறு ஜாதியை சேர்ந்தவர்கள். அதனால் இது கலப்பு திருமணமாகும்.

இதில் முதலில் மாப்பிள்ளை பெண்ணிற்கு தாலிகட்டினார். கட்டியுடன் பெண்ணும் மாப்பிள்ளைக்கு தாலி கட்டினார். இருவரும் ஒருவருக்கொருவர் தாலி கட்ட திருமண விழாவில் கலந்து கொண்டவர்கள் அவர்கள் மீது பூக்களை தூவி வாழத்தினார்கள். பொதுவாக மஞ்சள் பூசப்பட்ட அரிசி தான் அட்சதையாக வீசப்படும். ஆனால் இங்கு அரிசியை வீண் செய்ய வேண்டாம் என முடிவு செய்து அதற்கு தடை செய்யப்பட்டது. 

மேலும் இந்த திருமணத்திற்காக உகந்த நேரம், நல்ல நேரம், மூகூர்த்தநேரம் என எதுவும் குறிக்கப்படவில்லை. அதே போல தாரைவார்த்துக்கொடுக்கும் நிகழ்வான (கன்யாதான்) நிகழ்வும் அங்கு நடக்கவில்லை. இந்நிகழ்வு ஜாதி மற்றும் மதம் குறித்த தவிர வெறியில் இருப்பவர்களுக்கு கண்ணத்தில் அறைந்தார் போல இருக்கும் என இந்த திருமண தம்பதிகள் தெரிவித்தனர். ஜாதியும், மதமும் மனிதற்கு முக்கியமில்லை. இங்கு அனைவரும் மனிதர்கள் அனைவரும் சமம் என்ற சிந்தனை வரவேண்டும். இந்த சிந்தனை இல்லாததால் தான். பல தவறுகள் நாட்டில் நடக்கிறது. எனவும் கூறினர்.