Jun 26

300+ ரன்களை குவிப்பதில் ஆஸ்திரேலியாவை ஓரம்கட்டி, கிங் ஆன இந்தியா!

ஒரு நாள் போட்டிகளில் அதிக 300+ ரன்களை குவித்த அணி பட்டியலில் இந்தியா முதலிடத்தைப் பிடித்துள்ளது.

வெஸ்ட் இண்டீஸுக்கு சுற்றுப் பயணம் மேற்கொண்டுள்ள இந்திய அணி 5 ஒரு நாள் தொடர், ஒரு டி20 கிரிக்கெட் போட்டிகளில் பங்கேற்கின்றது. இந்த தொடரின் 2வது ஒருநாள் போட்டி ட்ரினிடாட்டில் நடைப்பெற்றது.இந்த போட்டியில் இந்திய அணி 43 ஓவரில் 310 ரன்களை குவித்தது. இதன் மூலம் சர்வதேச போட்டிகளில் இந்தியா தான் அதிக முறை 300+ ரன்களை குவித்த அணி என்ற பட்டியலில் முதலிடத்தைப் பிடித்துள்ளது.

இந்தியா 96 முறை 300+ ரன்களை குவித்துள்ளது. இந்தியாவுக்கு அடுத்ததாக ஆஸ்திரேலியா 95 முறை எடுத்துள்ளது. தென் ஆப்ரிக்கா, பாகிஸ்தான், இலங்கை இந்த பட்டியலில் அடுத்தடுத்த இடத்தில் உள்ளது.அதிக 300+ எடுத்த அணி பட்டியல்:

இந்தியா 96 முறை - அதிகபட்சம் 418

ஆஸ்திரேலியா 95 முறை - அதிகபட்சம் 434

தென் ஆப்ரிக்கா 77 முறை - அதிகபட்சம் 439

பாகிஸ்தான் 69 முறை - அதிகபட்சம் 385

இலங்கை 63 முறை - அதிகபட்சம் 443

முன்னதாக இந்திய அணி 5 முறை தொடர்ந்து 300+ ரன்களை குவித்த அணி என்ற பெருமையை பெற்றது.