Jan 12

ஏழை உயர் ஜாதியினருக்கு 10 சதவீத இடஒதுக்கீடு பலன் தராது- கனிமொழி

ஏழை உயர்ஜாதி மாணவர்கள் பயன்படும் என பா.ஜ.க அரசால்கொண்டுவரப்பட்ட 10 சதவீத இடஒதுக்கீடு உண்மையான வறுமையில் உள்ள உயர்ஜாதியினருக்குபயன்தராது என்று தாம்பரத்தில் தி.மு.க எம்.பி கனிமொழி தெரிவித்துள்ளார். 

தாம்பரத்தில் இந்தியன் யூனியன் முஸ்லிம் லீக் கட்சி சார்பாக நடைபெற்ற கூட்டத்தில் அதன் தலைவர் காதர்மொய்தீன்,திமுகமகளிர் அணி செயலாளரும் மாநிலங்களவை உறுப்பினர் க.கனிமொழிஆகியோர் கலந்துகொண்டு பேசினார்கள். 

பின்னர் செய்தியாளர்களிடம் பேசிய கனிமொழி உயர் ஜாதி ஏழை மாணவர்களுக்கு பயன்படும் என கொண்டுவரப்பட்டது தான் 10 சதவீத இடஒதுக்கீடு, என்பது காலம் காலமாக உரிமைகள் மறுக்கப்பட்டவர்களுக்காக கொண்டுவரப்பட்டது, மாணவர்களுக்கு பொருளாதார அடிப்படையில் உதவ அரசு முன்வந்தால்உதவித்தொகை, இலவச கல்வி வழங்கலாம். இதுதான் உண்மையான உதவியாக இருக்கும். 

ஆண்டுக்கு 8 லட்சத்திற்கு குறைவான வருமானம், 5 ஏக்கர் நிலத்துக்கு கீழ் உள்ளவர்கள் என அதற்கான உச்சவரம்பு நிர்ணையம் செய்யும் பட்சத்தில் இந்தியாவில் 97 சதவிகிதம்பேர் அதில் அடங்குவார். அதனால் உண்மையான வறுமைக்குகீழ் உள்ளவர்கள் 20 சதவிகிதம்உயர்ஜாதியினருக்குஇந்த இடஒதுக்கீடு பலன் தராது என அவர் கூறினார்.