Jun 26

எளிதாக வெற்றிக்கனியை பறித்த இந்தியா : 105 ரன்கள் வித்தியாசத்தில் வெற்றி

விண்டீஸ் அணிக்கு எதிரான போட்டியில் இந்தியா 105 ரன்கள் வித்தியாசத்தில் அபார வெற்றி பெற்றது.

வெஸ்ட் இண்டீஸுக்கு சுற்றுப் பயணம் மேற்கொண்டுள்ள இந்திய அணி 5 ஒரு நாள் தொடர், ஒரு டி20 கிரிக்கெட் போட்டிகளில் பங்கேற்கின்றது. இந்த தொடரின் 2வது ஒருநாள் போட்டி ட்ரினிடாட்டில் நடைப்பெற்றது.இந்தியா ஆதிக்கம் :

மழை காரணமாக தாமதமாக தொடங்கிய இந்தியா - வெஸ்ட் இண்டீஸ் அணிகள் பங்கேற்கும் 2வது ஒருநாள் போட்டி 43 ஓவராக குறைக்கப்பட்டது.

முதலில் பேட்டிங் செய்த இந்திய அணிக்கு ரஹானே 103, தவான் 63, கோலி 87 ரன்கள் குவிக்க 43 ஓவரில் 5 விக்கெட் இழப்பிற்கு 310 ரன்கள் எடுத்தது.

தொடர்ந்து களமிறங்கிய வெஸ்ட் இண்டீஸ் அணிக்கு ஆரம்பமே அதிர்ச்சி காத்திருந்தது. தொடக்க வீரர் கிரண் பவுல் ரன் எதுவும் எடுக்காமல் அவுட்டானார். தொடர்ந்து வந்த ஜாசன் முகமதும் ரன் எடுக்காமல் விக்கெட்டை பறிகொடுத்தார்.

மறுமுனையில் ஷாய் ஹோப் 81 மட்டும் சிறப்பாக விளையாடினார். சீராக விக்கெட்டை இழந்த வெஸ்ட் இண்டீஸ் அணி 43 ஓவர் முடிவில் 6 விக்கெட் இழப்பிற்கு 205 ரன்கள் மட்டுமே எடுக்க முடிந்தது.

இந்தையடுத்து 5 போட்டிகள் கொண்ட தொடரில் இந்தியா 1-0 என்ற கணக்கில் முன்னிலை வகிக்கின்றது.