Feb 25

ஆஃபர் வேலிடிட்டியை குறைத்த ஏர்டெல்: வாடிக்கையாளர்கள் அதிர்ச்சி!

ஏர்டெல் நிறுவனம், சத்தமே இல்லாமல், பல முக்கிய ஆஃபர் திட்டங்களுக்கான வேலிடிட்டியை குறைக்கத் தொடங்கியுள்ளதால், அதன் வாடிக்கையாளர்கள் அதிர்ச்சி அடைந்துள்ளனர்.

ரிலையன்ஸ் ஜியோவின் ப்ரைம் சந்தா அறிவிப்பை தொடர்ந்து ஏர்டெல் நிறுவனம் அதன் வாடிக்கையாளர்களுக்கு இன்னும் அதிக அளவிலான ஆஃபர்களை வழங்கும் என எதிர்பார்க்கப்படுகிறது.ஆனால், ஏர்டெல் நிறுவனமோ, சத்தமின்றி அதன் ஆஃபரின் வேலிட்டியை குறைத்துள்ளது. ஏர்டெல் நிறுவனம் செய்தது என்னவென்று தொடர்ந்து படியுங்கள்…


16 நாட்கள் மட்டுமே:
ஏர்டெல் நிறுவனத்தின் கீழ் 600எம்பி அளவிலான 3ஜி/4ஜி /டேட்டா வழங்கும், 28 நாட்கள் செல்லுபடியாகும் ரூ.149/- ரீசார்ஜ் திட்டம், தற்போது வெறும் 16 நாட்கள் மட்டுமே செல்லுபடியாகும் வகையில் குறைக்கப்பட்டுள்ளது.


இதேபோன்று, ஆர்சி149 எனினும், இந்த திருத்தப்பட்ட திட்டம் இப்போது பயனர்கள் முன்பு பெற்ற அதே நன்மைகள் வழங்கினாலும் அதன் வேலிடிட்டி குறைக்கப்பட்டுள்ளது. அதாவது ஆர்சி149 இனி 16 நாட்கள் மட்டுமே செல்லுபடியாகும்.


வேலிடிட்டி குறைப்பு:
இந்த வேலிடிட்டி குறைப்பானது ஜியோ ப்ரைம் உறுப்பினர் வாய்ப்பை ரிலையன்ஸ் ஜியோ அறிவித்ததை தொடர்ந்து ஏர்டெல் நிகழ்த்தியுள்ளது, பலரையும் அதிர்ச்சியடைய செய்துள்ளது.


ரூ.10/- மட்டுமே முதல் பார்வையில் ஜியோவின் சந்தா கட்டணம் சற்று அதிகமாக தெரிந்தாலும் கவனமாக அனுசரித்தால் நாள் ஒன்றிற்கு நீங்கள் ரூ.10/- மட்டுமே செலுத்தி 4ஜி சேவை உடன் இன்னபிற ஜியோ தொலைதொடர்பு இலவச அணுகல்களை பெறுகிறீர்கள் என்பதை உணர்வீர்கள். இப்போது, நீங்கள் ஏர்டெல் வழங்கும் ரூ.149/- திட்டத்தை ஜியோ ப்ரைம் சேவையுடன் ஒப்பிட்டு பாருங்கள் உங்களுக்கு எந்த அளவிலான லாபம் என்பதை நீங்களே உணர்வீரகள்.


முதலிடத்தில் ஏர்டெல்:
இதற்கிடையே டிராய் வெளியிட்டுள்ள பட்டியலில், தொலைத்தொடர்பு சேவையில், ஏர்டெல் நிறுவனம், முதலிடத்தில் உள்ளது. உடன் ஏர்டெல் தொலைதொடர்பு நிறுவனம் ஜனவரி 2017-க்கான பதிவில் சராசரியாக 8.43எம்பிபிஎஸ் பதிவிறக்க வேகத்தை பதிவு செய்துள்ளது. ஜனவரி 2017 நெட்ஃபிக்ஸ் ஐஎஸ்பி வேக குறியீட்டிலும் ஏர்டெல் தான் முதலிடத்தில் உள்ளது.


இப்போது கேள்வி என்னவென்றால், ரிலையன்ஸ் ஜியோவுடன் ஆன போட்டியில் ஏர்டெல் நிலைத்து நிற்குமா, என்பதுதான். ஒவ்வொரு நாளும் ஒரு புதிய சலுகை அறிவிப்பை வெளியிடும் ஜியோ சேவைக்கு எதிராக, இதுபோன்ற வேலிடிட்டி குறைப்புகள் நிகழ்த்துவதில் ஏர்டெல் ஈடுபட்டால் தொடர்ந்து முதல் இடம் வகிக்குமா என்பதற்கு காலம் தான் பதில் சொல்ல வேண்டும்.