Jun 23

பெரிய அணிகளை புரட்டி எடுக்கும் ஆப்கன், அயர்லாந்துக்கு டெஸ்ட் அந்தஸ்து

சர்வதேச கிரிக்கெட் போட்டிகளில் அவ்வப்போது பலம்வாய்ந்த அணிகளைத் தோற்கடித்து மிரட்டும் ஆப்கானிஸ்தான் மற்றும் அயர்லாந்து ஆகிய அணிகளுக்கு டெஸ்ட் அந்தஸ்து கிடைத்துள்ளது.

ஐசிசியில் நிரந்திர உறுப்பிர்களாக இந்தியா, ஆஸ்திரேலியா, இங்கிலாந்து, நியூசிலாந்து, பாகிஸ்தான், தென் ஆப்ரி்க்கா, இலங்கை, வெஸ்ட் இண்டீஸ், ஜிம்பாப்வே, வங்கதேசம் ஆகிய பத்து அணிகள் உள்ளன.ஸ்காட்லாந்து, அயர்லாந்து, ஆப்கானிஸ்தான் போன்றவை உறுப்பு அணிகளாக உள்ளன.

இவற்றில் ஆப்கானிஸ்தான் மற்றும் அயர்லாந்து அணிகள் அவ்வப்போது பலம் வாய்ந் அணிகளைக்கூட மண்ணைக் கவ்வ வைத்து வெற்றி பெற்று வருகின்றன. நீண்ட நாட்களாக பல கிரிக்கெட் போட்டிகளில் தொடர்ந்து விளையாடி வரும் இந்த இரு நாட்டு அணிகளும் ஐசிசியின் நிரந்தர உறுப்பினராக விண்ணப்பித்திருந்தன.

இந்நிலையில், வியாழக்கிழமை லண்டனில் நடைபெற்ற ஐசிசி பொதுக்குழு கூட்டத்தில் ஆப்கானிஸ்தான் மற்றும் அயர்லாந்து அணிகளுக்கு நிரந்தர உறுப்பினர் அந்தஸ்து அளிக்கப்பட்டது.

ஐசிசியின் நிரந்தர உறுப்பினரானதன் மூலம் இந்த இரு அணிகளும் டெஸ்ட் போட்டிகளில் விளையாடும் அணிகளின் பட்டியலில் இடம்பெறுகின்றன.