Jun 22

இன்னொரு தேவதை வந்தாச்சு: இரண்டாவது மகளைக் கொஞ்சும் காம்பீர்

இந்திய கிரிக்கெட் அணியின் தொடக்க வீரர் கவுதம் காம்பீருக்கு இரண்டாவது பெண் குழந்தை பெற்றுள்ளது.

இந்திய அணியின் தொடக்க ஆட்டக்காரரான கவுதம் காம்பீருக்கு இரண்டாவது பெண் குழந்தை புதன்கிழமை பிறந்தது. குழந்தை பிறந்ததை பற்றி ட்விட்டரில் பதிவிட்ட காம்பீர் இன்னொரு தேவதை வந்திருப்பதாக மகிழ்ச்சி தெரிவித்துள்ளார்.

“ஒரு தேவதை எங்கள் குடும்பத்தை ஆசீர்வதிக்கிறாள். இன்னொரு தேவதை எங்கள் குடும்பத்தில் ஒளியேற்ற வந்திருக்கிறாள். அவளை இந்த உலகத்திற்கு வரவேற்கிறேன்” என்று அவர் குறிப்பிட்டுள்ளார்.

கவுதம் காம்பீரின் மகளுக்கு சக கிரிக்கெட் வீரர்களும் பிரபலங்கள் பலரும் வாழ்த்து கூறியுள்ளனர்.

கவுதம் காம்பீர் கடந்த 2011ஆம் ஆண்டு திருமணம் செய்துகொண்டார். அவருக்கு பிறந்த முதல் மகளின் பெயர் ஆசீன்.