Dec 06

தென் ஆப்ரிக்காவின் அரசு வழக்கறிஞராக இந்திய வம்சாவளி பெண் ஷமிலா நியமனம்!

தென் ஆப்ரிக்காவின் அரசு வழக்குகளை விசாரிக்கும் கமிஷன் இயக்குனராக இருந்த, ஷான் ஆபிரகாம்ஸ், முன்னாள் அதிபர் ஜேக்கப் ஜுமாவின் ஊழல் வழக்குகளில், அவருக்கு சாதகமாக செயல்படுவதாக, எதிர்க்கட்சிகள் குற்றம் சாட்டியது. 

இதனால் அவர் பதவியில் இருந்து நீக்கப்பட்டார். தென் ஆப்ரிக்க அரசு புது இயக்குனரை நியமிக்கும் பணியில் ஈடுபட்டது. இந்நிலையில், இந்திய வம்சாவளி பெண் ஷமிலா பட்டோஹி நியமிக்கப்பட்டார்.

இந்த உத்தரவை, தென் ஆப்ரிக்க அதிபர், சிரில் ராமாபோசா வெளியிட்டார். ஷமிலா 2019 பிப்ரவரி மாதத்தில் பொறுப்பேற்பார். கடந்த, 1986ல், வழக்கறிஞராக பணியை துவங்கிய ஷமிலா, முக்கிய வழக்குகளில் ஆஜராகி உள்ளார். சர்வதேச குற்றவியல் நீதிமன்றத்தில், 9 ஆண்டுகளாக சட்ட ஆலோசகராக இருந்தார்.