Jun 21

ஒரே நிமிடத்தில் 393 முறை கும்மாங்குத்து குத்திய இந்திய வீரர்

ஒரிசாவைச் சேர்ந் இளைஞர் ஒருவர் முழு தொடர்பு பஞ்ச் எனப்படும் தற்காப்பு உத்தியை ஒரே நிமிடத்தில் 393 முறை செய்து கின்னஸ் சாதனை படைத்துள்ளார்.

ஒரிசாவின் பவானிபட்டினத்தைச் சேர்ந்தவர் சத்யபிர் பிரதான். பிசியோதெரபி மாணவரான இவர் தற்காப்புக்கலைகளில் நன்கு தேர்ச்சி பெற்றவர். இவர், முழு தொடர்பு பஞ்ச் எனப்படும் தற்காப்பு உத்தியை ஒரே நிமிடத்தில் 400 முறை செய்து கின்னஸ் சாதனை படைக்க முடிவு செய்தார்.இதற்காக, நன்கு பயிற்சி எடுத்த அவர் கின்னஸ் அமைப்பிடம் சாதனை முயற்சி நிகழ்வுக்கு விண்ணப்பம் செய்தார். இதன்படி, செவ்வாய்க்கிழமை ஒரிசா தலைநகர் புவனேஷ்வரில் கின்னஸ் சாதனை முயற்சி நடைபெற்றது.

இதில், ஒரே நிமிடத்தில் 393 முறை முழு தொடர்பு பஞ்ச் செய்த சத்யபிர் கின்னஸ் சாதனை புத்தகத்தில் தனது பெயரை பதிவு செய்துள்ளார். இதன் மூலம், ஒரே நிமிடத்தில் 377 முறை குத்திய பாகிஸ்தானியரின் சாதனையை சின்னபின்னமாக்கினார்.

அடுத்த கட்டமாக, இரண்டு கையாலும் இதனைச் செய்து மீண்டும் கின்னஸ் சாதனை படைக்க முயற்சிக்கப்போவதாக சத்யபிர் பிரதான் தெரிவித்துள்ளார்.