Feb 25

212 ரன்கள், 20 விக்கெட், 444 பந்துகள் இவ்வளவு தான் இந்திய இன்னிங்ஸ்!

ஆஸ்திரேலியாவுக்கு எதிரான முதல் டெஸ்டில், இரண்டு இன்னிங்சிலும் சேர்த்து இந்தியா அணி இதுவரை இல்லாத அளவில் மிகவும் மட்டமான ஸ்கோரை பதிவு செய்தது.


இந்தியா வந்துள்ள ஆஸ்திரேலிய அணி, 4 போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்ட் புனேயில் நடந்தது. முதல் இன்னிங்சில் ஆஸ்திரேலிய அணி 260 ரன்கள் எடுத்தது. இந்திய அணி 105 ரன்களுக்கு சுருண்டது. இரண்டாவது இன்னிங்சில், ஆஸ்திரேலிய அணி 285 ரன்கள் எடுத்து 441 ரன்கள் இலக்காக இந்திய அணிக்கு நிர்ணயித்தது.இதையடுத்து இமாலய இலக்கை துரத்திய இந்திய அணி, ஸ்டீவ் ஓ கெபி சுழலில் சின்னா பின்னமாக, இரண்டாவது இன்னிங்சிலும் 107 ரன்களுக்கு சுருண்டது. இதன் மூலம் படுமோசமான தோல்வியை சந்திதது. இதன் சில சாதனை துளிகள்:


2012
இந்திய அணி கடைசியாக சொந்தமண்ணில் இங்கிலாந்துக்கு எதிராக கடந்த 2012ல் கொல்கத்தாவில் நடந்த டெஸ்டில் தோல்வியை சந்தித்தது. அதன் பின் சுமார் 20 டெஸ்டில் பங்கேற்றுள்ள இந்திய அணி, 17 வெற்றி, 3 டிரா என தோல்வியே சந்திக்கவில்லை. தற்போது ஆஸ்திரேலியாவுக்கு எதிரான இந்த படுதோல்வி, இதற்கு முற்றுப்புள்ளி வைத்ததுடன். இதுவரை தொடர்ந்து 19 டெஸ்டில் தோல்வியே சந்திகாத இந்திய அணிக்கும் முடிவுகட்டியுள்ளது.


12
புனே டெஸ்டில் 70 ரன்கள் கொடுத்து 12 விக்கெட்டுகள் வீழ்த்திய ஆஸ்திரேலியாவின் ஸ்டீவ் ஓ கெபி, இந்திய மண்ணில் ஒரே டெஸ்டில் அதிக விக்கெட் கைப்பற்றிய இரண்டாவது வெளிநாட்டு வீரர் என்ற பெருமை பெற்றார். இதற்கு முன் முன்னள் இங்கிலாந்து வீரர் இயான் போத்தம் கடந்த 1979-80ல் நடந்த டெஸ்டில் 106 ரன்கள் கொடுத்து 13 விக்கெட் வீழ்த்தினார்.


4502
இந்தியாவுக்கு எதிரான இந்த வெற்றிக்கு முன் தொடர்ந்து 7 டெஸ்டில் ஆஸ்திரேலிய அணி தோல்வியை சந்தித்திருந்தது. இன்று ஆஸ்திரேலிய அணி சுமார் 4502 நாட்களுக்கு பின் இதற்கு முடிவு கட்டியுள்ளது.


333
ஆஸ்திரேலியாவுக்கு எதிராக 333 ரன்கள் வித்தியாசத்தில் தோல்வியடைந்த இந்திய அணி, சொந்த மண்ணில் இரண்டாவது மோசமான தோல்வியும், ஒட்டு மொத்தமாக தனது 4வது மோசமான தோல்வியையும் பதிவு செய்தது.


212
இந்தியா அணி, இரண்டு இன்னிங்சிலும் சேர்த்து (105+107) மொத்தமாக 212 ரன்கள் மட்டுமே எடுத்தது. இந்தியாவில் நடந்த டெஸ்டில் இந்திய அணி எடுக்கும் மோசமான ஸ்கோர் இது தான். இதற்கு முன் கடந்த 1956ல் கொல்கத்தாவில் நடந்த டெஸ்டில் ஆஸ்திரேலிய அணிக்கு எதிராக இரண்டு இன்னிங்சிலும் சேர்த்து 272 ரன்கள் எடுத்தது.


444
ஆஸ்திரேலியாவுக்கு எதிராக இரண்டு இன்னிங்சிலும் சேர்த்து மொத்தமாக 444 பந்துகளை மட்டுமே எதிர்கொண்டது. இதன்மூலம் ஒட்டுமொத்தமாக 20 விக்கெட்டுகளும் சேர்த்து எதிர்கொண்ட மூன்றாவது குறைவாகும். இதற்கு முன் இங்கிலாந்துக்கு எதிராக கடந்த 1952ல் 349 பந்துகளை எதிர்கொண்டது. பின் தென் ஆப்ரிக்காவுக்கு எதிராக கடந்த 1996ல் டர்பனில் நடந்த டெஸ்டில் இந்திய அணி 440 பந்துகளை எதிர்கொண்டது.


தவிர, சொந்தமண்ணில் இந்திய வீரர்கள் எதிர்கொண்ட மொத்த பந்துகளில் இதுவே குறைவாகும். இதற்கு முன் கடந்த 2004ல் மும்பையில் நடந்த டெஸ்டில் இந்திய அணி 659 பந்துகளை எதிர்கொண்டது. ஆனால் அதில் இந்திய அணி வென்றது.


13
இந்த டெஸ்டில் 13 இந்திய வீரர்கள் மொத்தமாக ஒற்றை இலக்கு ரன்களை தாண்டவில்லை. ராகுல், ரகானே ஆகியோர் மட்டும் இரண்டு இன்னிங்சிலும் இரட்டை இலக்கை தாண்டவில்லை.


தவிர, புனே டெஸ்டில் மொத்தமாக 13 பேட்ஸ்மேன்கள் எல்.பி.டபிள்யு., முறையில் வெளியேறினர். இதற்கு முன், நியூசிலாந்துக்கு எதிரான டெஸ்டில் 15 பேட்ஸ்மேகள் எல்.பி.டபிள்யு., முறையில் அவுட்டாகினர்.இப்போட்டியின் இரண்டு இன்னிங்சிலும் சேர்த்து இந்திய கேப்டன் விராட் கோலி, மொத்தமாக 13 ரன்கள் மட்டுமே எடுத்தார். இதன்மூலம் இந்தியாவில் நடந்த டெஸ்டில் கோலி எடுத்த மோசமான ஸ்கோர் இது தான். இதற்குமுன் கடந்த 2012-13ல் கொல்கத்தாவில் நடந்த இங்கிலாந்துக்கு எதிரான டெஸ்டில் விராட் கோலி 26 ரன்கள் எடுத்திருந்தார். அதிலும் இந்திய அணி தோல்வியை சந்தித்தது.


5
இப்போட்டியில் சதம் அடித்த ஆஸ்திரேலிய கேப்டன் ஸ்டீவ் ஸ்மித், இந்தியாவுக்கு எதிராக தொடர்ந்து ஐந்தாவது டெஸ்டில் பங்கேற்று தனது ஐந்தாவது சதத்தை பதிவு செய்தார். இதன் மூலம் இந்திய மண்ணில் சதம் அடித்த 8வது ஆஸ்திரேலிய கேப்டன் என்ற பெருமை பெற்றார் ஸ்மித்.