Jun 21

சாக்லெட் பால் கறக்கும் மாட்டை கண்டுபிடித்த அமெரிக்க இளைஞர்கள்

சாக்லெட் நிறத்தில் இருக்கும் மாடுகள் எல்லாம் சாக்லெட் பால் கறக்கும் மாடுகள் என்று அமெரிக்காவைச் சேர்ந்த இளைஞர்கள் வெகுளித்தனமாக நம்பிக்கொண்டிருக்கிறார்கள்.

சாக்லெட் போன்ற பழுப்பு நிறத்தில் இருக்கும் பசுமாடுகள் சாக்லேட் பால் கொடுக்கும் என்று 7 சதவிகித அமெரிக்க இளைஞர்கள் நம்பிக்கொண்டிருப்பதாக ஆய்வு ஒன்றில் தெரியவந்துள்ளது.

அமெரிக்காவைச் சேர்ந்த பால் நிறுவனம் ஒன்று அண்மையில் நூதன ஆய்வு ஒன்றை நடத்தியது. 18 மற்றும் அதற்கு மேற்பட்ட வயதுடையவர்களிடம் நடத்தப்பட்ட இந்த ஆய்வில், சாக்லேட் பால் எதிலிருந்து கிடைக்கிறது என்று கேட்கப்பட்டது. இதற்கு 7 சதவீதம் பேர் சாக்லெட் நிறத்தில் இருக்கும் பசுமாடு சாக்லெட் பால் கொடுக்கும் என்று கூறியுள்ளனர்.

வெள்ளை நிறத்தில் இருக்கும் பசு வெள்ளை நிறத்தில் பால் கொடுப்பது போலத்தான் இதுவும் என்று விளக்கம் வேறு கொடுத்திருக்கிறார்கள் அவர்கள்.

இந்த ஆய்வில் 50 சதவீதம் பேர் இந்த சாக்லேட் பால் எங்கிருந்து வருகிறது என்றே எங்களுக்குத் தெரியாது என்று எஸ்கேப் ஆகிவிட்டார்களாம்.