Jun 20

“கிரிக்கெட்டில் மட்டும் ஏன் தேசபக்தியை காட்டுகிறீர்கள்”? : விளாசும் பங்களாதேஷ் கேப்டன்!

சேதபக்தி ஏன் கிரிக்கெட்டை மட்டுமே சுற்றி உள்ளது என்று தெரியவில்லை என்று பங்களாதேஷ் கிரிக்கெட் அணியின் கேப்டன் மஷ்ரப் மோர்தசா கருத்து தெரிவித்துள்ளார்.

இந்தியா – பாகிஸ்தான், பாகிஸ்தான் – பங்களாதேஷ், இந்தியா – பங்களாதேஷ் ஆகிய அணிகள் விளையாடும் போது தான் எல்லோருக்கும் தேசபக்தி ஏற்பட்டு விடுகிறது. தங்கள் நாடு ஜெயிக்க வேண்டும் என்று ஒவ்வொரு நாட்டினரும் வெறியுடன் உள்ளனர். ஆனால் தேசபக்தி ஏன் கிரிக்கெட்டை சுற்றி உள்ளது என தெரியவில்லை என்று மோர்தசா கேள்வி எழுப்பியுள்ளார்.இது குறித்து பேசிய மோர்தசா, நான் ஒரு கிரிக்கெட் வீரர். ஆனால் என்னால் ஒரு உயிரை காப்பாற்ற இயலாது.

உயிரை காப்பாற்ற மருத்துவரால் தான் முடியும். அவர்களை சுற்றி நம்பிக்கையை உருவாக்க வேண்டும். விவசாயிகள், தொழிலாளர்கள் தான் உண்மையான ஸ்டார்கள். நாங்கள் சம்பளம் வாங்கிக்கொண்டு விளையாடுகிறோம். நடிகர்கள், பாடகர்கள் போல் தான் நாங்களும். மக்களின் தேசபக்தி வரையறையை என்னால் புரிந்து கொள்ள முடியவில்லை என்றும் அவர் கூறியுள்ளார்.