Jun 20

பட்ஜெட் மொபைல் வாங்க பெஸ்ட் சாய்ஸ் மோட்டோ சி ப்ளிஸ்

பட்ஜெட் மொபைல் வாடிக்கையாளர்களைக் கவரும் விதமாக அறிமுகமாகியுள்ளது மோட்டோரோலாவின் மோட்டோ சி ப்ளஸ் ஸ்மார்ட்போன்.

லெனோவோ நிறுவனத்தின் சார்பு நிறுவனமான மோட்டோரோலா நிறுவனத்தின் மோட்டோ மொபைல் போன் வரிசையில் புதிதாக வந்திருப்பது மோட்டோ சி ப்ளஸ்.புதிதாக ஸ்மார்ட்போன் வாங்கும் ஆசையில் இருப்பவர்களைக் குறிவைத்து பட்ஜெட் ஸ்மார்ட்போன் வரிசையில் இணைந்துள்ள இந்த மொபைல் ரூ.6999க்கு இன்று (ஜூன் 20) விற்பனைக்கு வருகிறது. ப்ளிப்கார்ட் இணையதளம் மூலம் இதனை வாங்க முடியும்.

இதன் விற்பனை மதியம் 12 மணிக்குத் தொடங்குகிறது. தங்கம், வெள்ளை, கருப்பு நிறங்களில் கிடைக்கும் இந்த மொபைல் 2GB RAM மற்றும் 16GB ROM உடையது.

குறிப்பிடத்தக்க அம்சமாக இதில் ஆண்ட்ராய்ட் நோகட் 7.0 சமீபத்திய வெர்ஷன் இயங்குதளம் உள்ளது. இவ்வளவு குறைந்த விலையில் இந்த வசதி இருப்பது இந்த மொபைலின் முதல் சிறப்பு அம்சம்.

மேலும், 4000mAh திறன் கொண்ட பேட்டரி குறைந்தது ஒருநாள் தாக்குப்பிடிக்கும் அளவு வலுவானது. மேலும், ஒரே நேரத்தில் இரண்டு சிம் கார்டுகளும் மெமரி கார்டும் பயன்படுத்த தனித்தனி இடங்கள் அளிக்கப்பட்டுள்ளன. முன் பக்க கேமரா 2MP மற்றும் பின்பக்க கேமரா 8MP.

இத்துடன் ஜியோ சிம் கார்டு வாங்கினால், கூடுதலாக 30GB டேட்டா ஆஃபர் கிடைக்கும். இந்த மொபைலுடன் ரூ.2,499 விலையுள்ள மோட்டோரோலா பல்ஸ் மேக்ஸ் ஹெட்செட்டை தள்ளுபடி விலையில் 749 ரூபாய்க்கு வாங்கலாம்.