Nov 14

முதலாளிக்காக 80 நாட்கள் காத்திருக்கும் நாய்... ஆனால் நடந்த சம்பவம் என்ன தெரியுமா?

சீனாவில் விபத்தில் பலியானவர் திரும்பி வருவார் என எதிர்பார்த்து அவர் வளர்த்த நாய் 80 நாள்களாக ஒரே இடத்தில் காத்திருக்கிறது.

சீனாவின் ஹோட் நகரில் வசிக்கும் பெண் ஒருவர் கடந்த ஆகஸ்ட் மாதம் 21ஆம் தேதி சாலை விபத்தில் உயிரிழந்துள்ளார். அவர் இறந்த பின் அவர் வளர்த்த நாய் சாலை விபத்து நடந்த இடத்திலேயே தன்னை வளர்த்த பெண் திரும்பிவருவார் என்று எதிர்பார்த்துக் காத்துக்கொண்டிருக்கிறது.

அந்தப் பெண் இறந்து 80 நாட்கள் ஆகியும் தினமும் அதே இடத்தில் அவரது நாய் காத்திருப்பதை அப்பகுதியில் உள்ளவர்கள் கண்ணீருடன் பார்த்துச் செல்கின்றனர்.

இது பற்றி அப்பகுதியில் டாக்ஸி ஓட்டும் டிரைவர் ஒருவர் கூறும்போது, “என்னைப் போன்ற டாக்ஸி டிரைவர்கள் அந்த நாய்க்குக் கொஞ்சம் உணவு கொடுப்பார்கள். அதைத் தூக்கிச் சென்று வளர்க்கலாம் என விரும்பி அருகே சென்றால் அது பயந்து ஓடும்.” என்று நெகிழ்ச்சியுடன் தெரிவிக்கிறார்.