Nov 12

புதிய டொயோட்டா கொரோல்லோ செடான் கார்- சீனாவில் அறிமுகம்

டொயோட்டா நிறுவனம் 12வது தலைமுறைக்கான புதிய கொரோல்லோ செடான் கார், சீனாவில் நடைபெறும் குவாங்ஜோவ் மோட்டார் கண்காட்சியில் அறிமுகம் செய்யவுள்ளது. 

இது தொடர்பாக செய்தியை வெளியிட்டுள்ள டொயோட்டா நிறுவனம், புதிய கொரோல்லோ செடான் கார் மூன்று வித வேரியன்டுகளில் வெளியிடப்படும் என்பதை தெரிவித்து, அதை “A New Era for Corolla” என்ற பெயரில் குறிப்பிட்டுள்ளது. முற்றிலும் டி.என்.ஜி.ஏ (Toyota New Global Architecture) பிளாட்ஃபார்மில் தயாரிக்கப்பட்டுள்ள இந்த காரின் சோதனை செய்யும் புகைப்படங்கள் வெளியாகி, ஏற்கனவே வைரல் ஹிட் அடித்தது. 

தற்போது கிடைத்திருக்கும் தகவலின் படி, பயன்பாட்டில் உள்ள கொரோல்லோ காரின் தாத்பரியங்களை பின்பற்றியே புதிய தலைமுறை மாடல் உருவாக்கபப்ட்டுள்ளது. அதன்படி, இந்த புதிய காரில் பூட் ஸ்பேஸ், வீல் பேஸ் மற்றும் பின்பக்க பயணிகளுக்கான இடவசதி ஆகியவை தாராளமாக இருக்கும் என்று தெரிகிறது.

ஸ்போர்ட்டி தோற்றத்தில், அதிக வேலைபாடுகளுடன் கொண்ட, இந்த காரின் முன்பக்க வடிவம் அமைக்கப்பட்டிருக்கும். மேலும் இதனுடைய சஸ்பென்ஷன் தேவைகள் அப்கிரேட் செய்யப்பட்டு, மல்டி-ரியர் சஸ்பென்ஷன் வழங்கப்பட்டுள்ளது. 1.8 லிட்டர் கொண்ட பெட்ரோல் மாடல் கொரோல்லோ கார், 121 பிஎச்பி பவரை தரும்.

அதில் சிவிடி கியர்பாக்ஸ் இடம்பெற்றிருக்கும். இந்த மாடல் மணிக்கு 180 கி.மீ வேகத்தில் செல்லும் திறனோடு இருக்கும். அதை தொடர்ந்து 2.0 லிட்டர் பெட்ரோல் ஹைப்ரிட் மாடல் கார் 180 பிஎச்பி பவரை அதிகப்பட்சமாக வழங்கும், 6 ஸ்பீடு மேனுவல் அல்லது சிவிடி கியர்பாக்ஸ் தேர்வுகளில் இது அறிமுகம் செய்யப்பட்டலாம்.

தற்போதைய டொயோட்டா கொரோல்லா ஆல்டிஸ் கார் 1.8 லிட்டர் பெட்ரோல் மற்றும் 1.4 லிட்டர் டீசல் எஞ்சின் தேர்வுகளில் விற்பனைக்கு உள்ளது. இதில் பெட்ரோல் மாடல் கார் 138 பிஎச்பி பவரையும், டீசல் மாடல் 87 பிஎச்பி பவரையும் வழங்குகிறது. 

உலகளவில் உள்ள வாகன துறை ஆர்வலர்கள் மிகவும் எதிர்பார்த்து வரும் குவாங்ஜோவ் மோட்டார் கண்காட்சி, சீனாவில் வரும் 16ம் தேதி தொடங்குகிறது. இங்கு 2019 டொயோட்டா கொரோல்லோ உள்ளிட்ட உலகளவில் எதிர்பார்ப்புகளை ஏற்படுத்தியுள்ள பல வாகனங்கள் காட்சிக்கு வைக்கப்படவுள்ளன. 

இதன் காரணமான தற்போது பயன்பாட்டில் இருக்கும் மாடலை விட, இந்த 12வது தலைமுறைக்கான கொரோல்லா காரை மிகவும் மூர்க்கமான தோற்றத்தில் டொயோட்டா வடிவமைத்திருக்கும் என்று எதிர்பார்க்கப்படுகிறது. 12வது தலைமுறைக்கான கொரோல்லோ காரில் 1.8 லிட்டர் மற்றும் 2.0 லிட்டர் ஹைப்ரிட் பெட்ரோல் எஞ்சின் இடம்பெற்றுள்ளது. சில ஐரோப்பிய நாடுகள் தேவைகளுக்கு ஏற்றவாறு இவை 1.6 லிட்டர் மற்றும் 2.0 லிட்டர் பெட்ரோல் தேவையில் வரலாம் என்றும் தெரிகிறது.