Mar 19

புற்றுநோயால் பாதிக்கப்பட்ட ஐஸ்வர்யாராயின் தந்தை காலமானார்

முன்னாள் உலகி அழகியும், நடிகையுமான ஐஸ்வர்யாராயின் தந்தை கிருஷ்ணராஜ் ராய் மும்பையில் காலமானார். 

புற்றுநோயால் பாதிக்கப்பட்டுள்ள கிருஷ்ணராஜ் ராய் மும்பையில் உள்ள பிரபல மருத்துவமனையான  லீலாவதி மருத்துவ மனையில் கடந்த ஒரு மாதமாக சிகிச்சை பெற்று வந்தார். 

கடந்த வாரம் கிருஷ்ணராஜ் ராயின் உடல்நிலை மோசமானதை தொடர்ந்து, அவர் தீவிர சிகிச்சை பிரிவில் அனுமதிக்கப்பட்டார். 

இதனையடுத்து கிருஷ்ணராஜ் ராயை காண அவரது மகளான ஐஸ்வர்யாராய் துபாயில் தனது நிகழ்ச்சிகள் அனைத்தையும் இரத்து செய்து மும்பைக்கு விரைந்தார். 

 ஐஸ்வர்யாவின் கணவரான அபிஷேக் பச்சன்,  நியூயார்க்கில் தனது படப்பிடிப்புகளை இரத்து செய்து விட்டு மும்பைக்கு திரும்பினர்.

கிருஷ்ணராஜ் ராய் உடல்நிலையை மருத்துவமனைக்கு நேரில் சென்று பொலிவுட் சூப்பர் ஸ்டார் அமித்தாப் பச்சன் விசாரித்தார். 

இந்நிலையில், சிகிச்சை பலனின்றி அவர் மருத்துவமனையிலேயே உயிரிழந்ததாக மருத்துவமனை வட்டாரங்கள் தெரிவித்துள்ளன.