Jun 19

விபத்தால் அஜீத்துக்கு கைநழுவி போன மணிரத்னம் படம்!

அஜீத்துக்கு ஏற்பட்ட விபத்தால் மணிரத்னம் படத்தில் நடிக்க முடியாமல் போனது.

நடிகர் அஜீத் பற்றி பல விஷயங்கள் நிறைய புதைந்து கிடைக்கிறது. சொன்னால் அதை சொல்லிக்கொண்டே போக வேண்டியிருக்கும். நடிகர் அஜீத். திரையில் நடிகராகவும் நிஜத்தில் நல்ல மனிதராகவும் இருக்க வேண்டும் என்பதே அவரின் ஆசை.சினிமா வாய்ப்புகளை பல இடங்களில் தேடி கொண்டிருந்தபோது அவருக்கு மணிரத்னம் தயாரிப்பில் ‘மே மாதம்’ படத்தில் நடிக்க வாய்ப்பு வந்தது.

படத்தில் நடிக்க அஜீத் கால்ஷீட்டும் கொடுத்துவிட்டார். கையில் அட்வான்ஸையும் பெற்றுவிட்டார். ஆனால் அந்த சமயத்தில் அஜீத்துக்கு பைக் விபத்து ஏற்பட்டு மருத்துவமனையில் அனுமதிக்கப்பட்டார். இதனால் ‘மே மாதம்’படத்தை நடிகர் வினித்தை வைத்து மணிரத்னம் முடித்து விட்டாராம்.

அதே மணிரத்னம் நிறுவனத்திற்காக அதே கால்ஷீட், அட்வான்ஸ்காக ‘ஆசை’ படத்தில் நடித்துக் கொடுத்தார் நடிகர் அஜீத்.இந்த ‘ஆசை’ படம் நடிகர் அஜீத்துக்கு ஒரு பெரும் மாற்றத்தைஏற்படுத்திக் கொடுத்து ரசிகர்களிடம் அறிமுகப்படுத்தியது. இந்தபடத்தில் வரும் ‘கொஞ்ச நாள்பொறு தலைவா’ என்ற பாடல் ரசிகர்களிடம் பெரும் வரவேற்பு பெற்றது.