Jun 17

4 வயதில், தங்கம் வென்ற ஸ்கேட்டிங் குழந்தை

மேற்கு வங்கத்தில் நடந்த ஸ்கேட்டிங் போட்டியில் 4 வயது குழந்தை முதலிடம் பிடித்து தங்கப்பதக்கம் பெற்றுள்ளார்.

திருத்தணி ஒன்றியம், புச்சிரெட்டிப்பள்ளி கிராமத்தை சேர்ந்தவர், தென்னரசு - சசிகலா தம்பதியின் குழந்தை, டி.கலையன்பன். 4 வயதான இவர் கடந்த, மே 17ம் தேதி முதல், 19ம் தேதி வரை, மேற்கு வங்காளம் சித்தரஞ்சன் விளையாட்டு மைதானத்தில், 'பஸ்ட் பீப்புல் ஏஸியன் ஒலிம்பிக் - 2017' நடந்த, ஸ்கேட்டிங் போட்டியில் கலந்து கொண்டார்.

தமிழ்நாடு, ஆந்திரா, கர்நாடகம், மத்தியப் பிரதேசம், மகாராஷ்டிரா, ஜார்க்கண்ட் ஆகிய மாநிலங்களிலிருந்து 8 வயதுக்குட்ப்பட்ட 12 குழந்தைகள் அகில இந்திய அளவில் நடந்த ஸ்கேட்டிங் போட்டியில் கலந்து கொண்டனர்.

'ரோட் ரிங்க் டூ' 500 மீட்டர் போட்டியில் கலந்து கொண்ட கலையன்பன் முதலிடம் பிடித்து தங்கப்பதக்கம் பெற்றுள்ளார்.