Jun 17

இங்கிலீஸ் தெரியலைன்னா என்ன? பாக்.,கேப்டனை காப்பாற்றிய இந்திய ரசிகர்கள்!

இங்கிலீஸ் தெரியாமல் தட்டுத்தடுமாறிய பாகிஸ்தான் கேப்டனுக்கு ஆதரவாக தற்போது இந்திய ரசிகர்கள் களமிறங்கியுள்ளனர்.

இங்கிலாந்தில் மினி உலகக்கோப்பையான சாம்பியன்ஸ் டிராபி கிரிக்கெட் தொடர் நடக்கிறது. இதில் சர்வதேச தரவரிசையில் ‘டாப் -8’ இடங்களில் உள்ள அணிகள் பங்கேற்றன. தற்போது இத்தொடர் இறுதிகட்டத்தை எட்டியுள்ள நிலையில், நாளை நடக்கவுள்ள இறுதிப் போட்டியில் பாகிஸ்தான் – இந்தியா அணிகள் மோதுகின்றன. இந்நிலையில், கடந்த 12ம் தேதி நடந்த சாம்பியன்ஸ் டிராபி தொடரின் 12வது லீக் போட்டியில் இலங்கையை 3 விக்கெட் வித்தியாசத்தில் வெற்றிப் பெற்று முதல் அரையிறுதிப் போட்டிக்கு பாகிஸ்தான் அணி முன்னேறியது. போட்டி முடிந்த பிறகு செய்தியாளர்களைச் சந்தித்த பாகிஸ்தான் கேப்டன் சர்ப்ராஸ் அகமது தட்டுத்தடுமாறி இங்கிலீஸ்ல பதிலளித்தார்.

அவரது வீடியோவை வெளியிட்டு இந்திய இணையதளம் ஒன்று அவரை உண்டு இல்லை என்று செய்தது. இந்த வீடியோ சமூக வலைதளங்களில் வைரலானது. பாகிஸ்தான் வீரர்கள் எல்லோரும் ஏதோ தட்டுத்தடுமாறி ஆங்கிலத்தில் பேசுவார்கள் என்கிற ரீதியில் அந்த வீடியோவை வெளியிட்டு கிண்டலடித்திருப்பதற்கு இந்திய கிரிக்கெட் ரசிகர்கள் கடும் கண்டனம் தெரிவித்துள்ளனர்.

இது தொடர்பாக ஸ்ரீதம் மிஸ்ரா என்ற ரசிகர் கூறுகையில், நான் இந்தியன் தான். இது போன்ற ஒரு வீரரை கிண்டலடிப்பதை ஏற்றுக்கொள்ள முடியாது. அவருக்கு இங்கிலீஸ் தெரியவில்லை என்றால் என்ன? அவர் ஒரு கிரிக்கெட் வீரர். டிவி தொகுப்பாளர் அல்ல.

தன்னுடைய திறமையால் அணியை இறுதிப் போட்டி வரை கொண்டு வந்துள்ளார். அதைத் தான் நாம் பாராட்ட வேண்டும். அதனை விட்டு விட்டு இங்கிலீஸ் தெரியவில்லை என்று அவரை கிண்டலடிப்பது சரியில்லை என்று தெரிவித்துள்ளார். இவரைத் தொடர்ந்து இன்னும் சிலரும், சர்ப்ராஸ்க்கு ஆதரவு குரல் கொடுத்துள்ளனர். இந்திய ரசிகர்களின் இந்த ஆதரவிற்கு பாகிஸ்தான் ரசிகர்கள் வர