Oct 23

தோட்டத் தொழிலாளர்களுக்காக கிழக்கு பல்கலைக்கழக மாணவர்கள் போராட்டம்

தோட்டத் தொழிலாளர்களின் சம்பள அதிகரிப்பினை வலியுறுத்தி நாடளாவிய ரீதியில் பல்வேறு போராட்டங்கள் முன்னெடுக்கப்பட்டு வருகினறன. 

கிழக்கு பல்கலைக்கழகத்தின் கல்லடி சுவாமி விபுலானந்தா அழகியல் கற்கைகள் நிறுவக மாணவர்கள் தோட்டத் தொழிலாளர்களுக்கு ஆதரவாக இன்று காலை ஆர்ப்பாட்டம் ஒன்றை முன்னெடுத்தனர். 

உதிரத்தினை உரமாக்கும் உறவுகளுக்காக போராடுவோம் என்னும் தலைப்பில் முன்னெடுக்கப்பட்ட இந்த ஆர்ப்பாட்டத்தில் சுவாமி விபுலானந்தா அழகியல் கற்கைகள் நிறுவகத்தின் அனைத்து பகுதி மாணவர்களும் கலந்துகொண்டனர். 

1000 ரூபாவுக்கு இந்த பாடா?, காடுமலை ஏறி கால் உதிரமும் கரைந்து போகுது, சுரண்டாதே சுரண்டாதே ஊதியத்தினை சுரண்டாதே, போன்ற பல்வேறு வாசகங்கள் கொண்ட பதாகைகளை ஆர்ப்பாட்டத்தில் கலந்துகொண்டவர்கள் ஏந்தியிருநதனர்.