Oct 23

ஸ்ருதியின் புகாருக்கு, அர்ஜுன் மகள் ஐஸ்வர்யா அதிரடி பதில்!

அர்ஜுன் மீது பாலியல் புகார் கூறிய நடிகை ஸ்ருதிக்கு, நடிகர் அர்ஜுன் மகள் ஐஸ்வர்யா அதிரடியாக பதில் அளித்துள்ளார். 

நடிகர் அர்ஜுன் நடிப்பில் வெளியான படம் ‘நிபுணன்’. இந்தப் படத்தில் அர்ஜுனுக்கு ஜோடியாக நடித்தவர் நடிகை ஸ்ருதி ஹரிஹரன். இந்தப் படத்தை அருண் வைத்தியநாதன் இயக்கியிருந்தார். 

இந்நிலையில், இந்தப் படத்தில் நடித்த போது பாட்டு சீனில் என்னை இறுக்கமாக அர்ஜூன் கட்டிப்பிடித்தார் என்று நடிகை ஸ்ருதி ஹரிஹரன் புகார் தெரிவித்து இருந்தார். இந்தப் பாடலுக்கு 50 பேர் நடனமாடியதாக கூறப்படுகிறது. இதை அர்ஜூன் மறுத்து ஸ்ருதி மீது வழக்கு தொடுப்பதாக அறிவித்து இருந்தார். 

இதற்கிடையே, தனது தந்தை மீதான பாலியல் குற்றச்சாட்டு குறித்து இந்தியன் எக்ஸ்பிரஸ்க்கு அளித்த பேட்டியில் அர்ஜூன் மகள் ஐஸ்வர்யா கூறியிருப்பதாவது:சினிமாவில் காதல் சம்பந்தப்பட்ட காட்சிகள் படமாக்கப்படும்போது என்ன நடக்கும் என்பதும் எனக்குத் தெரியும். நானும் இரண்டு படங்களில் நடித்திருக்கிறேன்.

50க்கும் மேற்பட்டோர் அவரைச் சுற்றி நிற்கும் போது என் தந்தை எப்படி அத்துமீறியிருக்க முடியும். அப்படி என் தந்தை தவறு செய்திருந்தால் அந்தப் படத்தின் படப்பிடிப்பின் போதே சொல்லியிருக்கலாமே. என் தந்தை அவுட்டிங் அழைத்ததாக வேறு ஸ்ருதி சொல்கிறார். அதற்கெல்லாம் என் தந்தைக்கு நேரம் கிடையாது. அவர் பப்புக்கோ அல்லது வேறு சொகுசு பங்களாவுக்கோ சென்றதாக நான் கேள்விப்பட்டது இல்லை. எனது தந்தை பல மொழிப் படங்களில் பிரபலமாக இருப்பதால், இதை தனது சுயநலத்திற்கு பயன்படுத்திக் கொள்ள வேண்டும் என்று ஸ்ருதி பயன்படுத்திக் கொண்டுள்ளார். 

இவ்வாறு ஐஸ்வர்யா தெரிவித்துள்ளார்.