Mar 18

பிரேரணை திருத்தங்கள் இன்றி 23 ஆம் திகதி நிறைவேற்றப்படும்

இலங்கை தொடர்பாக  ஐக்கிய நாடுகள் மனித உரிமை பேரவையில் சமர்ப்பிக்கப்பட்டுள்ள பிரேரணை வரைபுக்கு  இதுவரை  12 நாடுகள்  தமது இணை அனுசரணையை வழங்கியிருக்கின்றன.

அந்தவகையில் இன்னும் சில தினங்களில் பிரேரணை  நிறைவேற்றப்படவுள்ள நிலையில் அதிகமான நாடுகள்  இந்த வரைப்புக்கு  இணை அனுசரணை வழங்கும் என எதிர்பார்க்கப்படுகிறது.  

 

அவுஸ்திரேலியா, கனடா, ஜேர்மனி, இஸ்ரேல், ஜப்பான்,  மொன்ட்னேகுரோ, நோர்வே, மெஸடோனியா, பிரிட்டன், அமெரிக்கா ஆகிய நாடுகள்  பிரேரணைக்கு இணை அனுசரணை வழங்கியிருந்தன.  மேலும் இந்த பிரேரணையுடன் சம்பந்தப்பட்ட நாடான இலங்கையும்  பிரேரணைக்கு இணை அனுசரணை வழங்க முன்வந்துள்ளது.

அந்தவகையில் இலங்கை தொடர்பான பிரேரணையானது  இம்முறையும் வாக்கெடுப்பின்றி  ஐ.நா. மனித உரிமை பேரவையில் நிறைவேற்றப்படும் சாத்தியம்  உள்ளதாக தெரிவிக்கப்படுகிறது.   இந்தப் பிரேரணையானது இலங்கை,  2015 ஆம் ஆண்டு பிரேரணையை  முழுமையாக அமுல்படுத்த வேண்டும் என்பதை  வலியுறுத்தியுள்ளது.