Oct 18

கடவுளே என்ன ஒரு நடிப்பு.. த்ரிஷவை பாராட்டிய சமந்தா!

பிரேம்குமார் இயக்கத்தில், விஜய்சேதுபதி, த்ரிஷா, முதல் முறையாக ஜோடியாக நடித்த படம் 96.  இந்தப் படம் இரண்டு வாரங்களை கடந்து ஓடி வருகிறது.

படத்தை பார்த்த பலரும் தங்கள் பள்ளி கால நினைவுகளை நினைவூட்டும் படம் 96 என நெகிழ்ச்சியுடன் பதிவிட்டனர். அத்துடன் விஜய் சேதுபதி மற்றும் த்ரிஷாவின் நடிப்பை பார்த்து வியந்து போனதாக பலரும் பாராட்டி உள்ளனர்.

இந்நிலையில் நடிகை சமந்தா தனது ட்விட்டர் பக்கத்தில் த்ரிஷாவை வெகுவாக பாராட்டி பதிவிட்டுள்ளார்.

அதில்,”96 படம் பார்த்தேன்.. கடவுளே என்ன ஒரு நடிப்பு.. படத்தில் நீங்கள் எவ்வளவு அற்புதமாக இருந்தீர்கள் என்று எனக்கு சொல்ல வார்த்தைகள் வரவில்லை. நடிப்பில் தனி முத்திரை பதித்திருக்கிறீர்கள். இது போன்ற ஒரு கதாபாத்திரத்தில் மிகவும் கடினம். கடவுள் உங்களை ஆசிர்வதிப்பார். இந்த வெற்றி தொடரட்டும்.” இவ்வாறு சமந்தா கூறியுள்ளார்.