Oct 11

விண்டீஸ் அணிக்கு எதிரான இரண்டாவது டெஸ்ட் இந்திய அணி அறிவிப்பு!

இந்தியா வந்துள்ள விண்டீஸ் அணி, 2 டெஸ்ட், 5 ஒருநாள், 3 டி-20 போட்டிகள் கொண்ட தொடரில் பங்கேற்கிறது. ராஜ்கோட்டில் நடந்த முதல் டெஸ்டில் இந்திய அணி ஒரு இன்னிங்சில் 272 ரன்கள் வித்தியாசத்தில் வென்றது. 

இந்நிலையில் இரு அணிகள் மோதும் இரண்டாவது டெஸ்ட் போட்டி வரும் 14ல் ஹைதராபாத்தில் துவங்குகிறது. இதற்கான 12 பேர் கொண்ட இந்திய அணியை இந்திய கிரிக்கெட் போர்டு வெளியிட்டுள்ளது. இதில் கேப்டனாக கோலி தேர்வு செய்யப்பட்டார். சார்துல் தாகூர் 12வது வீரராக இடம் பிடித்தார். மற்றபடி முதல் டெஸ்டில் பங்கேற்ற வீரர்களில் எவ்வித மாற்றமும் செய்யப்படவில்லை.