Oct 11

சக்திவாய்ந்த சிறப்பம்சங்களுடன் ரேசர் போன் 2 அறிமுகம்

ரேசர் நிறுவனம் ஏற்கனவே அறிவித்தபடி தனது ரேசர் போன் 2 ஸ்மார்ட்போன் மாடலை அறிமுகம் செய்தது. 

ரேசர் நிறுவனம் கடந்த ஆண்டு அறிமுகம் செய்த ரேசர் போன் மாடலின் மேம்படுத்தப்பட்ட ஸ்மார்ட்போனாக ரேசர் போன் 2 அறிமுகம் செய்யப்பட்டது.

ரேசர் போன் 2 மாடலில் 5.72 இன்ச் குவாட் ஹெச்.டி. 120Hz அல்ட்ராமோஷன் டிஸ்ப்ளே வழங்கப்பட்டுள்ளது. இதனால் கேமிங் செய்யும் போது சிறப்பான கிராஃபிக்ஸ் அனுபவம் கிடைக்கும். ஸ்னாப்டிராகன் 845 பிராசஸர் கொண்டிருக்கும் ரேசர் போன் 2 மாடலில் அதிகபட்சம் 8 ஜி.பி. ரேம் வழங்கப்பட்டுள்ளது.

இத்துடன் 12 எம்.பி. பிரைமரி கேமரா வழங்கப்பட்டுள்ளது. இதன் பின்புறம் ரேசர் குரோமா RGB லோகோ இடம்பெற்று இருக்கிறது. கிளாஸ் பேக் கொண்டிருக்கும் ரேசர் போன் 2 மாடல் IP67 தர வாட்டர் ரெசிஸ்டன்ட் வசதி, முன்பக்கம் ஸ்டீரியோ ஸ்பீக்கர்கள், டால்பி அட்மோஸ் வசதி வழங்கப்பட்டுள்ளது.

முந்தைய ஸ்மார்ட்போன் போன்றே புதிய மாடலிலும் 3.5 எம்.எம். ஆடியோ ஜாக் வழங்கப்படவில்லை, மாற்றாக 24-பிட் DAC ஆடியோ அடாப்டர் வழங்கப்பட்டுள்ளது. 8.5 எம்.எம். மெல்லிய வடிவமைப்பு, 4000 எம்.ஏ.ஹெச். பேட்டரி, குவால்காம் குவிக் சார்ஜ் பிளஸ் மற்றும் வயர்லெஸ் சார்ஜிங் வசதி வழங்கப்பட்டுள்ளது.

ரேசர் போன் 2 மாடல் மிரர் மற்றும் சாட்டின் வெர்ஷன்களில் கிடைக்கிறது. இதன் விலை 799 டாலர்கள் (இந்திய மதிப்பில் ரூ.59,450) என நிர்ணயம் செய்யப்பட்டுள்ளது.