Jun 14

ஃபிரென்ச் ஃப்ரை சாப்பிட்டால் உடனே சாகலாம்: அதிர்ச்சி தரும் ஆய்வு முடிவுகள்

பிரென்ச் ஃப்ரை சாப்பிடுவோர், வழக்கமான இறப்பு நாளைவிட, வெகு விரைவிலேயே சாகும் வாய்ப்புகள் அதிகம் உள்ளதாக, ஆய்வில் தெரியவந்துள்ளது.

இதுதொடர்பாக, அமெரிக்காவைச் சேர்ந்த ஆய்வாளர்கள், கடந்த 8 ஆண்டுகளுக்கும் மேலாக விரிவான ஆய்வு ஒன்றை நடத்தி, அதன் முடிவுகளை வெளியிட்டுள்ளனர். அமெரிக்கன் ஜர்னல் ஆஃப் கிளினிக்கல் நியூட்ரிசன் பத்திரிகையில் வெளியிடப்பட்ட இந்த ஆய்வு முடிவுகளில், ஃபிரன்ச் ஃப்ரை நாம் மரணிக்கும் வாய்ப்பை அதிகப்படுத்துவதாக உறுதி செய்யப்பட்டுள்ளது.

உலகம் முழுவதும் 4,440 பேர் இதற்காக ஆய்வில் ஈடுபடுத்தப்பட்டனர். அவர்கள் சராசரியாக, ஆண்டுக்கு 14 கிலோ மதிப்பிலான ஃபிரென்ச் ஃப்ரை சாப்பிட்டனர். இதனால், கடந்த 8 ஆண்டுகளில் உடல் பருமன், கொலஸ்ட்ரால் அதிகரிப்பு உள்ளிட்ட பிரச்னைகளுக்கு அவர்கள் ஆளாகியுள்ளனர். அதில், 236 பேர் இறந்தே விட்டனர்.

உருளைக்கிழங்கு சீவல்களை, சுடச் சுட எண்ணெயில் முக்கி எடுத்து, வறுத்து அப்படியே சாப்பிடுவதால், உடலில் கொலஸ்ட்ரால் கூடுவதே, இந்த பிரச்னைக்கு முக்கிய காரணம் எனக் கூறப்படுகிறது.

ஃபிரென்ச் ஃப்ரை சாப்பிடுவோர், இனிமேல் ஜாக்கிரதையாக இருப்பதே நல்லது என்றும், அந்த ஆய்வில் எச்சரிக்கப்பட்டுள்ளது.