Oct 02

உலகமே போற்றும் மகாத்மா காந்தியின் வாழ்க்கையை முதன்முதலில் படமெடுத்த தமிழர்!

உலகமே போற்றும் மகாத்மா காந்தியின் ஆவணப்படத்தை முதன்முதலாக பதிவு செய்த தமிழரை குறித்து உங்களுக்கு தெரியுமா? 

தமிழ் பயண இலக்கிய முன்னோடி என்று போற்றப்படுபவர் ஏ.கே.செட்டியார். காந்தியின் வாழ்க்கையை ஓர் ஆவணப்படமாக எடுக்க வேண்டும் என்று கனவுகண்ட அவர் அதற்காக இரண்டரை ஆண்டுகள் இருமுறை உலகைச் சுற்றினார். கப்பலிலும் விமானத்திலும் ரயிலிலும் ஒரு லட்சம் மைல் பயணித்தார். 

30 ஆண்டுகளில், 100 கேமராகாரர்கள் படம் பிடித்த 50,000 அடி நீளப் படச் சுருள்களைக் கண்டெடுத்தார். அதன் முடிவாக, 1940-ல் ‘மகாத்மா காந்தி: அவரது வாழ்க்கையின் சம்பவங்கள்’ என்ற இரண்டு மணி நேரம் ஓடக்கூடிய படம் ஆகஸ்ட் 1940ல் வெளிவந்தது. 

தியேட்டர்களில் திரையிடப்பட்ட முதல் காந்தி படம் இதுதான். அதோடு காந்தி உயிரோடு இருக்கும்போதே அவரைப் பற்றி எடுக்கப்பட்ட படமும் இதுதான். இன்றைக்கு கருப்பு வெள்ளையில் போற்றி பாதுகாக்கப்படும் காந்தி தோன்றும் நிஜ காட்சிகள் அனைத்தும் ஏ.கே.செட்டியார் சேகரித்தவைகளே.