Jun 13

MotoE4 மற்றும்MotoE4Plus ஸ்மார்ட்ஃபோன்கள் அறிமுகம்

மோட்டோரோலா நிறுவனம், அதன் புகழ்பெற்ற மோட்டோ பிராண்ட் ஸ்மார்ட்ஃபோன்களின் வரிசையில், மேலும் 2 புதிய ஸ்மார்ட்ஃபோன்களை அறிமுகம் செய்துள்ளது.

மோட்டோ ஈ4 மற்றும் மோட்டோ ஈ4 ப்ளஸ் என்ற பெயரில், இவ்விரு ஸ்மார்ட்ஃபோன்களும், முதலில் அமெரிக்க சந்தையில் அறிமுகம் செய்யப்பட்டுள்ளன. இன்னும் சில நாட்களில், இவை இந்திய சந்தைக்கு வர உள்ளன.இந்த ஸ்மார்ட்ஃபோன்களின் சிறப்பம்சம் பற்றி இங்கே பார்க்கலாம்.

Moto E4 சிறப்பம்சங்கள்: 5 இன்ச் ஹெச்டி தொடுதிரை வசதி, 1.4 ஜிகா ஹெர்ட்ஸ் ஸ்னாப்டிராகன் புராஸசர், ஆப்டிக்கல் வசதியுடன் கூடிய 5 மெகாபிக்சல் செல்ஃபி மற்றும் 8 மெகாபிக்சல் பின்புற கேமிரா, ஆன்ட்ராய்ட் 7.1.1 நவ்கட் பயன்பாட்டு மென்பொருள், 2ஜிபி ரேம், 16 ஜிபி உள்ளீட்டு சேமிப்புத் திறன், தேவைக்கேற்ப நினைவுத்திறனை மெமரி கார்டு உதவியுடன் நீட்டிக்கும் வசதி, உள்ளிட்ட சிறப்பம்சங்களை இந்த ஃபோன் கொண்டுள்ளது.

ஜூன் 22ம் தேதி முதல் அமெரிக்க சந்தையில் இதற்கான விற்பனை தொடங்குகிறது. தொடக்க விலை 129.99 அமெரிக்க டாலர்கள். இந்திய மதிப்பில் தோராயமாக, ரூ.8,400 என நிர்ணயிக்கப்பட்டுள்ளது.

Moto E4 Plus சிறப்பம்சங்கள்: 5.5 இன்ச் ஹெச்டி தொடுதிரை வசதி, 1.4 ஜிகா ஹெர்ட்ஸ் ஸ்னாப்டிராகன் புராஸசர், 5000 எம்ஏஹெச் பேட்டரி, 13 மெகாபிக்சல் பின்புற கேமிரா, 5 மெகாபிக்சல் செல்ஃபி கேமிரா, ஆன்ட்ராய் 7.1.1 நவ்கட் இயங்குதிறன், 2ஜிபி ரேம், 16 ஜிபி மற்றும் 32 ஜிபி என இருவேறு உள்ளீட்டு சேமிப்புத் திறன் கொண்ட ஸ்மார்ட்ஃபோன்கள் உள்ளிட்ட சிறப்பம்சங்களை கொண்டுள்ளது.

இதன் விலை 179.99 அமெரிக்க டாலர்கள். இந்திய மதிப்பில் தோராயமாக, ரூ.11,600. ஜூன் 22ம் தேதி முதல் இதன் விற்பனை நடைபெறும் என மோட்டோரோலா கூறியுள்ளது.