Sep 25

மாருதி பலேனோ லிமிட்டெட் எடிஷன் இந்தியாவில் அறிமுகம்

மாருதி சுசுகி நிறுவனத்தின் பலேனோ லிமிட்டெட் எடிஷன் கார் பண்டிகை காலத்திற்கு முன்னதாகவே இந்திய சந்தையில் அறிமுகம் செய்யப்பட்டுள்ளது. 

பலேனோ லிமிட்டெட் எடிஷன் காரில் பல்வேறு புதிய அம்சங்கள் மற்றும் ஸ்போர்ட் தோற்றம் கொண்ட பாடி கிட் வழங்கப்பட்டுள்ளது. முன்னதாக இக்னிஸ் லிமிட்டெட் எடிஷன் காரை மாருதி சுசுகி இந்திய சந்தையில் அறிமுகம் செய்திருந்தது குறிப்பிடத்தக்கது.

வெளிப்புறத்தில் மாருதி பலேனோ லிமிட்டெட் எடிஷனின் முன்பக்கம், பின்புறம் மற்றும் பக்கவாட்டுகளில் மரத்தாலான ஸ்கிர்டிங் செய்யப்பட்டுள்ளது. கருப்பு நிறம் கொண்ட புதிய பிளாஸ்டிக் மோல்டிங் காருக்கு பிரீமியம் ஹேட்ச்பேக் போன்று ஸ்போர்ட் தோற்றத்தை வழங்குகிறது.

இதுதவிர புதிய லிமிட்டெட் எடிஷன் மாடலின் வெளிப்புறங்களில் எவ்வித மாற்றங்களும் மேற்கொள்ளப்படவில்லை. பலேனோ லிமிட்டெட் எடிஷன் மாடலின் உள்புறம் கார்பன் ஹைலைட் செய்யப்பட்ட கருப்பு நிற சீட் கவர்கள், இலுமினேட் செய்யப்பட்ட டோர் சில் கார்டு மற்றும் 3D கால்மிதி உள்ளிட்டவை வழங்கப்பட்டுள்ளது.

இத்துடன் ஸ்மார்ட் கீ ஃபைன்டர், நெக்சா கீ ரிங், பிரீமியம் மெத்தைகள் மற்றும் பிரீமியம் டிஷ்யூ பாக்ஸ் உள்ளிட்டவை வழங்கப்பட்டுள்ளது. பலேனோ லிமிட்டெட் எடிஷன் விலை இன்னும் அறிவிக்கப்படவில்லை. எனினும் இதன் விலை ரூ.30,000 வரை அதிகமாக நிர்ணயம் செய்யப்படலாம் என தெரிகிறது.

முன்னதாக ஸ்விஃப்ட் லிமிட்டெட் எடிஷன் மாடலிலும் இதேபோன்ற அம்சங்கள் வழங்கப்பட்டு இருந்தது. மாருதி பலேனோ லிமிட்டெட் எடிஷன் மாடலில் 1.2 லிட்டர் பெட்ரோல் மற்றும் 1.3 லிட்டர் டர்போசார்ஜ் செய்யப்பட்ட டீசல் இன்ஜின் வழங்கப்பட்டுள்ளது. 

இதன் பெட்ரோல் இன்ஜின் 82 பி.ஹெச்.பி. பவர், 113 என்.எம். டார்கியூ செயல்திறனும் டீசல் இன்ஜின் 74 பி.ஹெச்.பி. பவர், 190 என்.எம். டார்கியூ செயல்திறன் வழங்குகிறது. பெட்ரோல் இன்ஜினுடன் 5-ஸ்பீடு மேனுவல் அல்லது CVT கியர்பாக்ஸ் மற்றும் டீசல் இன்ஜினுடன் 5-ஸ்பீடு மேனுவல் கியர்பாக்ஸ் வழங்கப்படுகிறது.