Sep 20

அஜித்தின் சிறந்த குணமே அவரது வளர்ச்சிக்கு காரணம் - தமிழ் செல்வி!

தாழ்வு மனப்பாண்மை நடிகர் அஜித்திடம் மட்டும்தான் உள்ளது என்று பிரபல சீரியல் நடிகை தமிழ் செல்வி வெளிப்படையாக கூறியுள்ளார். 

தமிழ் சினிமாவில் எல்லோருக்கும் பிடித்த ஒரே நடிகர் அஜித். அவர் மற்றவர்களுக்கு உதவி செய்வதை விளம்பரப்படுத்தமாட்டார். அவருடன் பணியாற்றுபவர்களின் குடும்பங்களை தன் குடும்பம் போல் கஷ்டமில்லாமல் பார்த்துக் கொள்வார்.

அப்படிப்பட்ட குணமுடைய அஜித்துடன் பணியாற்றுபவர்கள் எல்லோரும் அவர் எப்படிப்பட்டவர் என்பதை தினமும் மீடியாக்களில் சொல்லக் கேட்டிருக்கிறோம்.

அதுபோல்தான் தற்போது ‘மௌன ராகம்’ சீரியலில் நந்தினி கேரக்டரில் நடித்து வருபவர் நடிகை தமிழ் செல்வி. அவர் சமீபத்தில் அளித்த பேட்டி ஒன்றில் அஜித்தைப் பற்றி கூறியுள்ளார். ‘நடிகர் அஜித்தை எண்ணற்ற ரசிகர்கள் ரோல் மாடலாக எடுத்துக் கொள்கிறார்கள்.

நடிகர் அஜித் சிறு வயதில் எப்படி ஆட்டம் போட்டார். வளர்ந்த பிறகு தற்போது எப்படி அமைதியாக இருக்கிறார். கடவுள் வளர்ச்சி கொடுத்து உயரத்தில் வைக்கும் போது நாம் தாழ்ந்து இருக்க வேண்டும். இந்த நல்ல பண்பு நடிகர் அஜித்திடம் உள்ளது’’ என்றார் நடிகை தமிழ் செல்வி.