Sep 20

சுகாதார பிரதி அமைச்சரின் ஏற்பாட்டில் இலவச வைத்திய முகாம்

சுகாதார பிரதி அமைச்சர் பைசல் காஸிமின் ஏற்பாட்டில் கடந்த சனிக்கிழமை பதியத்தலாவை கல்ஓயா வித்தியாலயத்தில் இலவச வைத்திய முகாம் ஒன்று இடம்பெற்றது.

இதில் நூற்றுக்கணக்கான நோயாளர்கள் கலந்துகொண்டு பயன்பெற்றதோடு அவர்களுக்கு இலவசமாக மருந்துப் பொருட்கள் வழங்கப்பட்டன.

மருந்துகளுக்கு மேலதிகமாக 450 மூக்குக் கண்ணாடிகள்,10 நீர்த்தாங்கிகள்,8 சக்கர நாட்காலிகள் மற்றும் 8 தையல் இயந்திரங்கள் போன்றவையும் இலவசமாக வழங்கப்பட்டன.

இந்த வைத்திய முகாமில் ஆயிரத்துக்கும் மேற்பட்டவர்கள் பரிசோதிக்கப்பட்டனர்.202 பேர் சிறுநீரக பரிசோதனைக்கு உட்படுத்தப்பட்டனர்.