Sep 19

தலைமன்னாரில் வீடு தீக்கிரை

தலைமன்னார், பியர் கேம்பலஹவுஸ் பகுதியில் நேற்று இரவு 8 மணியளவில் வீடொன்று முற்றாக எரிந்து தீக்கிரையாகியுள்ளது.


இந்த தீ விபத்துக்கான காரணம் இதுவரை கண்டறியப்படாத நிலையில், வீட்டிலிருந்து சுமார் 25 இலட்சம் ரூபா பெறுமதியான பொருட்கள் தீயில் எரிந்து சேதமாகியுள்ளது. 

தீ விபத்து ஏற்பட்டதை அறிந்த மன்னார் பிரதேச சபைத் தவிசாளர் எஸ்.எச்.எம். முஜாஹிர் மற்றும் பிரதேச உறுப்பினர்களும் சம்பவ இடத்திற்கு சென்று குறித்த வீட்டின் உரிமையாளர்களுடன் கலந்துரையாடியதுடன், அவர்களுக்கு தேவையான முதற்கட்ட உதவிகளையும் பெற்றுக் கொடுக்க நடவடிக்கை எடுத்தனர்.