Sep 14

ஒன்பிளஸ் 6T: ஆடியோ தொழில்நுட்பத்தில் புதுமை

ஒன்பிளஸ் 6T ஸ்மார்ட்போன் புதுமையாக ஆடியோ தரப்படுத்தும் தொழில்நுட்பத்துடன் அறிமுகமாக இருப்பதாக தகவல் வெளியாகியுள்ளது. 

ஒன்பிளஸ் 6T நிறுவனத்தின் புதிய மாடல் மொபைல் விரைவில் வெளியாக உள்ளது. வரும் அக்டோபர் 17ஆம் தேதி வெளியாகலாம் எனக் கூறப்படும் இந்த மொபைலின் பெயரும் இதுவரை உறுதியாகவில்லை. இருப்பினும் ஒன்பிளஸ் 6T என அழைக்கப்படும் எனக் கருதப்படுகிறது. 

இந்நிலையில், அந்நிறுவனத்தின் தலைவர் கார்ல் பெய் அளித்துள்ள பேட்டி ஒன்றில், ஒன்பிளஸ் 6T மொபைலில் ஆடியோ மிகவும் தரமானதாக இருக்கும் என்று தெரிவித்துள்ளார். மேலும், வழக்கமாக ஹெட்போனுக்காக பயன்படுத்தப்படும் 3.5 மி.மீ. ஹெட்போன் ஜாக் இருக்காது என்றும் மாற்றாக USB C தொழில்நுட்பம் பயன்படுத்தப்படும் என்றும் தகவல் அளித்துள்ளார். 

தனி ஹெட்போன் ஜாக் நீக்கப்படுவதால் பேட்டரியின் அளவை அதிகப்படுத்த அந்நிறுவனம் முயற்சி எடுக்கும் அல்லது புதிய தொழில்நுட்பத்தைப் புகுதும் என தொழில்நுட்ப வல்லுநர்கள் கணிக்கின்றனர்.அண்மையில் ஒன்பிளஸ் 6T மொபைலில் கைரேகை சென்சார் திரைக்கு அடியில் பொறுத்தப்படலாம் என்ற செய்தியும் வெளியானது குறிப்பிடத்தக்கது.