Sep 12

ஒன்பிளஸ் 6டி மாடலில் இன் டிஸ்ப்ளே கைரேகை சென்சார்

ஒன்பிளஸ் 6டி ஸ்மார்ட்போனின் விவரங்கள் வெளியாக துவங்கிவிட்டன. புதிய 6டி ஸ்மார்ட்போனின் விவரங்கள் தொடர்ந்து வெளியாகி வரும் நிலையில், ஸ்மார்ட்போனின் சிறப்பம்சம் சார்ந்த விவரம் ஒன்பிளஸ் மூலம் வெளியாகியுள்ளது.

அதன்படி புதிய ஒன்பிளஸ் 6டி ஸ்மார்ட்போனில் இன்-டிஸ்ப்ளே கைரேகை சென்சார் வழங்கப்பட இருப்பதை ஒன்பிளஸ் நிறுவனம் உறுதி செய்துள்ளது. இந்த அம்சத்தை ஒன்பிளஸ் ஸ்கிரீன் அன்லாக் என அழைக்க இருக்கிறது. புதிய அம்சம் பின்புறம் கைரேகை சென்சார் வழங்குவதற்கான தேவை இருக்காது என்பதை தெரிவித்துள்ளது. 

அந்த வகையில் புதிய ஒன்பிளஸ் 6டி மாடலின் பாதுகாப்பை அதிகப்படுத்தும் வகையில் ஸ்கிரீன் அன்லாக் மற்றும் ஃபேஸ் அன்லாக் போன்ற அம்சங்கள் இருக்கும். புதிய தகவலை வழங்கி இருப்பதோடு, சென்சார் எப்படி இருக்கும் என்பதையும் ஒன்பிளஸ் ஸ்கிரீன்ஷாட் மூலம் பகிர்ந்து கொண்டுள்ளது.

நாள் முழுக்க பலமுறை ஸ்மார்ட்போன்களை அன்லாக் செய்கிறோம், ஸ்கிரீன் அன்லாக் இந்த வழிமுறை எண்ணிக்கையை குறைக்கிறது. கூடுதலாக ஃபேஸ் அன்லாக் வசதியை சேர்ப்பதன் மூலம், வாடிக்கையாளர்கள் மொபைலை அன்லாக் செய்ய ஆப்ஷன்கள் கிடைக்கும்," என ஒன்பிளஸ் அனுப்பியிருக்கும் மின்னஞ்சலில் தெரியவந்துள்ளது. 

இத்துடன் அக்டோபர் 17 என்ற தேதியும் இடம்பெற்று இருப்பதால் ஒன்பிளஸ் 6டி ஸ்மார்ட்போன் இந்த தேதியில் வெளியிடப்படலாம் என எதிர்பார்க்கப்படுகிறது. 

ஸ்கிரீன் அன்லாக் பெயரில் ஒன்பிளஸ் ஸ்மார்ட்போன்களிலும் இன்-டிஸ்ப்ளே கைரேகை சென்சார் வழங்கப்படும் நிலையில், இந்த தொழில்நுட்பத்தை வழங்கும் விவோ ஸ்மார்ட்போன்கள் மற்றும் ஹூவாய் நிறுவன மாடல்களுடன் இணைந்திருக்கிறது.