Sep 11

பாக்., முன்னாள் பிரதமர் நவாஸ் ஷெரீப் மனைவி குல்சூம் மரணம்

லண்டனில் புற்றுநோய் சிகிச்சை பெற்றுவந்த பாகிஸ்தான் முன்னாள் பிரதமர் நவாஸ் ஷெரீப்பின் மனைவி குல்சூம் ஷ்ரீப் இன்று உயிரிழந்தார். 

பாகிஸ்தான் பிரதமர் பதவியிலிருந்து அந்நாட்டு உச்சநீதிமன்றத்தால் நீக்கப்பட்ட நவாஸ் ஷெரீப்பின் மனைவி குல்சூம் ஷெரீப் நீண்ட காலமாக புற்றுநோயினால் அவதிப்பட்டு வந்தார். 

இதனால் கடந்த சில மாதங்களாக லண்டனில் உள்ள மருத்துவமனையில் சிகிச்சை பெற்றுவந்தார். அவரை நவாஸ் ஷெரீப்பும் அவரது மகள் வாஸ் ஷெரீப்பும் அடிக்கடி சென்று சந்தித்து வருகின்றனர்.

68 வயதான குல்சூமுக்கு கடந்த ஜூன் மாதம் லண்டன் மருத்துவமனையில் மாரடைப்பு ஏற்பட்டது. குல்சூமுக்கு நுரையீரல் பிரச்னையும் இருந்ததாகக் கூறப்படுகிறது. 

இந்நிலையில், இன்று குல்சூம் நவாஸ் உயிரிழந்தார் என்று அந்நாட்டு ஊடகங்கள் செய்தி வெளியிட்டுள்ளன.